ଗୃହ ମାଲିକଙ୍କୁ ଅଧିକ କମ୍ପାଉଣ୍ଡ ଫି’ ଫେରସ୍ତ କରିବ ବିଡିଏ

BDA To Return Excess Compound Fee Between December 2021

ଭୁବନେଶ୍ୱର: ଗୃହ ମାଲିକଙ୍କୁ ଅଧିକ କମ୍ପାଉଣ୍ଡ ଫି’ ଫେରସ୍ତ କରିବ ବିଡିଏ । ଏହାସହ ସର୍ବକ୍ଷମା ଯୋଜନାରେ କମ୍ପ୍ଲାଏନ୍ସ ରିପୋର୍ଟ ଦାଖଲ ପାଇଁ ମହଲତ ବଢିଛି । ସେହିଭଳି ପୂର୍ବରୁ ଆବଣ୍ଟନ ହୋଇଥିବା ଜମି ଓ ଗୃହର ଲିଜ ଡିଡ୍‌ ପ୍ରଦାନ କରିବାକୁ ପ୍ରକ୍ରିୟା ଆରମ୍ଭ କରିଛି ବିଡିଏ । ଜମିଜମା ସଂକ୍ରାନ୍ତୀୟ ସମସ୍ୟାର ସମାଧାନ ପାଇଁ ବିଡିଏ ଏବେ ଏହି ତିନିଟି ଜିନିଷ ଉପରେ ଗୁରତ୍ୱ ଦେଉଛି । ଏକ୍ସେସ କମ୍ପାଉଣ୍ଡ ଫି’ ଫେରସ୍ତ ଡିସେମ୍ବର ୩୧ ସୁଦ୍ଧା ବିଡିଏ ଓ ବିଏମସି ପକ୍ଷରୁ କରାଯିବ । ଏନେଇ ପ୍ରକ୍ରିୟା ଆରମ୍ଭ ହୋଇଛି । ସମସ୍ତ ଆବେଦନକାରୀଙ୍କ ବ୍ୟାଙ୍କ ଆକାଉଣ୍ଟକୁ ଫେରସ୍ତ ହେବ ଟଙ୍କା ।

 BDA To Return Excess Compound Fee Between December 2021

ଆବେଦନର ଶେଷ ତାରିଖ ହେଉଛି ଡିସେମ୍ବର ୧୦ । ସେହିଭଳି ସର୍ବକ୍ଷମା ଯୋଜନାରେ ସାମିଲ ହେବା ପାଇଁ ଆବେଦନ କରିଥିବା ଗୃହ ମାଲିକଙ୍କୁ ବିଡିଏ ପକ୍ଷରୁ କମ୍ପ୍ଲାଏନ୍ସ କରିବା ପାଇଁ, ବିଡିଏ ପକ୍ଷରୁ ପୂର୍ବରୁ ଆବେଦନ କରିବାକୁ କୁହାଯାଇଛି । ତେବେ ଅନେକ ଆବେଦନକାରୀ ଏହାର ଉତ୍ତର ରଖି ନାହାନ୍ତି । ବର୍ତ୍ତମାନ ପୁଣି ସେହି ଆବେଦନକାରୀଙ୍କୁ ଅଧିକ ୧୫ ଦିନ ସମୟ ଦେଇଛି ବିଡିଏ । ନିର୍ଦ୍ଧାରିତ ସମୟ ଭିତରେ କମ୍ପ୍ଲାଏନ୍ସ ନକଲେ, ସମ୍ପୃକ୍ତ ଆବେଦନକାରୀଙ୍କ ସର୍ବକ୍ଷମା ଆବେଦନକୁ ଖାରଜ କରାଯିବ ଓ ପରବର୍ତ୍ତୀ ପଦକ୍ଷେପ ନିଆଯିବ ।

ସେହିପରି ବିଡିଏ ପକ୍ଷରୁ ପୂର୍ବରୁ ଆବଣ୍ଟନ ହୋଇଥିବା ଜମି ଓ ଗୃହର ଲିଜ ଡିଡ୍‌ ପ୍ରଦାନ କରିବା ପାଇଁ ଲୋକଙ୍କ ପକ୍ଷରୁ ଆବେଦନ ହୋଇଥିଲା । ଏହାର ସମୀକ୍ଷା କରି ସାଧାରଣ ପ୍ରଶାସନ ଓ ବିଡିଏ ସହିତ ସମନ୍ୱୟ ରକ୍ଷା କରି ସମସ୍ତ ଆବେଦନକାରିଙ୍କୁ ଲିଜ ଡିଡ୍‌ ଦେବାକୁ ଲକ୍ଷ୍ୟ ରଖିଛି ବିଡିଏ । ଆବେଦନକାରୀ ଲିଜ କାଗଜପତ୍ର ବିଡିଏରେ ଦାଖଲ କରିବାକୁ କୁହାଯାଇଛି ।

Leave a Reply

Your email address will not be published.