ଖାଲରେ ଖସିପଡିଲା ହାତୀ ଛୁଆ

କଳାହାଣ୍ଡି: ଉତ୍ତର ବନଖଣ୍ଡ ନର୍ଲା ରେଞ୍ଜ ନିକଟସ୍ଥ ଡଙ୍ଗରତଳ ପଡାରେ ଏକ ଖାଲରୁ ଉଦ୍ଧାର ହେଲା ହାତୀ ଛୁଆ । ପାଣି ଖାଲୁଅରେ ହାତୀ ଛୁଆ ପଡ଼ିଥିବା ଦେଖି ବନ ବିଭାଗକୁ ଖବର ଦେଇଥିଲେ ଗ୍ରାମବାସୀ । ଘଟଣାସ୍ଥଳରେ ବନ ବିଭାଗ ପହଞ୍ଚି ଜେସିବି ସାହାଯ୍ୟରେ ହାତୀ ଛୁଆକୁ ଉଦ୍ଧାର କରିଛି । ହାତୀଟିର ବୟସ ପାଖାପାଖି 3ରୁ 4 ବର୍ଷ ହେବ ।

ହାତୀଟି ପଲ ଧରି ଯାଉଥିବାବେେ ବୋଧ ହୁଏ ଏପରି ଘଟିଥାଇପାରେ  । ତେବେ କେଉଁ କାରଣରୁ ହାତୀ ଛୁଆଟି ଖାଲରେ ଖସିପଡିଛି ତାହାର କାରଣ ଜଣାପଡିନାହିଁ  । ସେପଟେ ଗ୍ରାମବାସୀ ଦେଖି ସୂଚନା ଦେବାପରେ ବନବିଭାଗ ଉଦ୍ଧାର କରିଛି  । ଉଦ୍ଧାର ପରେ ଜଙ୍ଗଲ ଆଡକୁ ଚାଲି ଯାଇଛି ଏହି ହାତୀ ଛୁଆ  ।