ସରିଲା ବିଶ୍ୱର ସବୁଠୁ ଲମ୍ବା ସୁଡ଼ଙ୍ଗ ନିର୍ମାଣ, ମନାଲିରୁ ଲଦାଖ ଦୂରତା କମିଲା..

ନୂଆଦିଲ୍ଲୀ: ଅନେକ ପ୍ରତୀକ୍ଷାର ଅନ୍ତ ଘଟିଛି । ଶେଷରେ ଅଟଳ ଟନେଲ ନିର୍ମାଣ କାର୍ଯ୍ୟ ଶେଷ ହୋଇଛି । ଆରମ୍ଭରୁ ୬ ବର୍ଷ ମଧ୍ୟରେ ଟନେଲ କାର୍ଯ୍ୟ ସରିବ ବୋଲି ଲକ୍ଷ ରଖାଯାଇଥିଲେ ମଧ୍ୟ ଏହା ୧୦ ବର୍ଷରେ ଶେଷ ହୋଇଛି ।

ପୃଥିବୀର ଦୀର୍ଘତମ ରାଜପଥ ସୁଡ଼ଙ୍ଗ ‘ଅଟଳ ଟନେଲ୍‌’ ନିର୍ମାଣ କାର୍ଯ୍ୟ ଶେଷ ହୋଇଛି । ୧୦ ହଜାର ଫୁଟ୍‌ରୁ ଅଧିକ ଉଚ୍ଚରେ ନିର୍ମିତ ଏହି ଦୀର୍ଘତମ ହାଇଓ୍ୱେ ଟନେଲ୍‌ ଲେହ ସହ ମନାଲିକୁ ସଂଯୋଗ କରୁଛି । ୬ ବର୍ଷରେ ଶେଷ ହେବାର ଟାର୍ଗେଟ ଥିଲେ ମଧ୍ୟ ଅନେକ କଠିନ ପରିସ୍ଥିତି ଆସିବାରୁ ଏହାକୁ ୧୦ ବର୍ଷ ଲାଗିଛି । ଏନେଇ ପ୍ରକଳ୍ପର ମୁଖ୍ୟଯନ୍ତ୍ରୀ ପି.ପୁରୁଷୋତ୍ତମ ସୂଚନା ଦେଇଛନ୍ତି ।

https://twitter.com/sahil11p/status/1303396281197371392

ଟନେଲର ପ୍ରତି ୬୦ ମିଟର ଅନ୍ତରରେ ସିସିଟିଭି କ୍ୟାମେରା ଓ ୫୦୦ ମିଟରରେ ଏମରଜେନ୍ସି ଏକ୍‌ଜିଟ୍‌ ଟନେଲ୍‌ ନିର୍ମାଣ କରାଯାଇଛି । ଯାହା ଦ୍ୱାରା କୌଣସି ବି ବିପଦକୁ ଏଡ଼ାଇ ଦିଆଯିବାର ସମ୍ଭାବନା ରହିଛି । ଟନେଲ ଭିତରେ ୫ଟି ଅଗ୍ନି ନିରୋଧକ ଯନ୍ତ୍ର ମଧ୍ୟ ସ୍ଥାପନ କରାଯାଇଛି । ଟନେଲର ଚଉଡ଼ା ସାଢ଼େ ୧୦ ମିଟର ରହିଛି । ଉଭୟ ପାର୍ଶ୍ୱରେ ଦୁଇ ଫୁଟ୍‌ ଲେଖାଏଁ ଫୁଟ୍‌ ପାଥ୍‌ ମଧ୍ୟ ରହିଛି । ଏହି ଟନେଲ୍‌ ଦେଇ ଲେହରୁ ମନାଲି ଗଲେ ୪୬ କିଲୋମିଟର ରାସ୍ତା କମିବା ସହ ୪ ଘଣ୍ଟା ସମୟ ବଞ୍ଚିବ ବୋଲି ପୁରୁଷୋତ୍ତମ କହିଛନ୍ତି ।

ଅଟଳ ଟେନେଲର ପ୍ରୋଜେକ୍ଟ ଡାଇରେକ୍ଟର କର୍ଣ୍ଣେଲ୍‌ ପରୀକ୍ଷିତ ମେହେର କହିଛନ୍ତି, ଏହି ଟନେଲ ତିଆରି ତାଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ ଥିଲା । ଏହାକୁ ତିଆରି କରିବା ପାଇଁ ଟିମ୍‌ରେ ଅନେକ ଅଭିଜ୍ଞ ଯନ୍ତ୍ରୀ ମଧ୍ୟ ସାମିଲ ଥିଲେ ।

https://twitter.com/sahil11p/status/1303396278496145408