ନନ୍ଦିଘୋଷ ବ୍ୟୁରୋ: ପାକିସ୍ତାନ ବିରୋଧରେ ଗର୍ଜିଲେ ଏଆଇଏମଆଇଏମ ନେତା ଅସଦୁଦ୍ଦିନ ଓବେସୀ। ସେ କହିଛନ୍ତି-ପାକିସ୍ତାନ ଏକ ବିଫଳ ରାଷ୍ଟ୍ର। ଏହା ସହ ଭାରତ ବିରୋଧୀ ଚିନ୍ତାଧାରାକୁ ନେଇ ପାକ୍ ଆର୍ମି ଚିଫ ଜେନେରାଲ ଅସିମ ମୁନୀରଙ୍କ ବିରୋଧରେ ବି ଗର୍ଜିଛନ୍ତି ଓବେସୀ। ପାକିସ୍ତାନ ବିରୋଧରେ କେନ୍ଦ୍ର ସରକାର ପଦକ୍ଷେପ ନିଅନ୍ତୁ ବୋଲି ସେ ଆହ୍ବାନ ଦେଇଛନ୍ତି। ଏପ୍ରିଲ ୨୨ ପହଲଗାଓଁ ହମଲା ପରଠାରୁ ପାକିସ୍ତାନ ବିରୋଧରେ ସ୍ବର ଉତ୍ତୋଳନ କରିଆସୁଛନ୍ତି ଓବେସୀ। ଏହା ସହ ଆତଙ୍କବାଦକୁ ପ୍ରାୟୋଜିତ କରୁଥିବାରୁ ପାକିସ୍ତାନକୁ ଫିନାନସିଆଲ ଆକ୍ସନ ଟାସ୍କ ଫୋର୍ସ ବା FATF ଗ୍ରେ ଲିଷ୍ଟରେ ସ୍ଥାନୀତ କରିବା ଲାଗି ସେ ଦାବି କରିଛନ୍ତି।
