ଭୁବନେଶ୍ୱରରେ ହେବ ଆଧୁନିକ ସାଇନ୍ସ ସିଟି। ଏଥି ପାଇଁ ୨୦୦ରୁ ୨୫୦ ଏକର ଜମି ବ୍ୟବସ୍ଥା କରିବେ ରାଜ୍ୟ ସରକାର। କେନ୍ଦ୍ର ସରକାରଙ୍କ ସହାୟତା ପାଇଁ କେନ୍ଦ୍ର ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଜିତେନ୍ଦ୍ର ସିଂଙ୍କୁ ଭେଟି ଦାବି ଜଣାଇଛନ୍ତି ରାଜ୍ୟ ବିଜ୍ଞାନ ଓ କାରିଗରୀ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର। ଏହା ସହ ଜାତୀୟ ବାୟୋ ଇ-ଥ୍ରୀ ଢାଞ୍ଚାରେ ଭୁବନେଶ୍ୱର ଆଇଏଲଏସ ସଂପ୍ରସାରଣ ପାଇଁ ୫୦ ଏକର ଜମିର ବ୍ୟବସ୍ଥା କରିବେ ରାଜ୍ୟ ସରକାର। ଏନେଇ ବୈଠକରେ ଆଲୋଚନା ହୋଇଛି। ଓଡ଼ିଶାରେ ରେୟାର ଆର୍ଥ କରିଡର ପ୍ରତିଷ୍ଠା ହେବ। ୫ଟି ପ୍ରସଙ୍ଗରେ କେନ୍ଦ୍ର ମନ୍ତ୍ରୀଙ୍କ ସହ ଆଲୋଚନା ହୋଇଥିବା ନେଇ ସୂଚନା ଦେଇଛନ୍ତି ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ।
