ଅଦରକାରୀ କାଗଜର କଳାକୃତି ଦେଉଛି ଲକ୍ଷାଧିକ ଟଙ୍କା, ମାଧ୍ୟମ ସାଜିଛି ୟୁଟ୍ୟୁବ

1 min read

ଭଦ୍ରକ: ଘରେ ବସି ମାସକୁ ହେଉଛି ଲକ୍ଷେ ଟଙ୍କା ରୋଜଗାର । ୟୁଟ୍ୟୁବରୁ ଲକ୍ଷାଧିକ ଟଙ୍କା ରୋଜଗାର କରି ସ୍ବାବଲମ୍ବୀ ହୋଇଛନ୍ତି ଭଦ୍ରକ ଜିଲ୍ଲା ତରାଗୋ ଗାଁର ଅର୍ପିତା ପ୍ରିୟଦର୍ଶିନୀ । ଅଦରକାରୀ କାଗଜରେ ବିଭିନ୍ନ କଳାକୃତି କରି ଏହାର ପ୍ରସ୍ତୁତି ଭିଡିଓ ୟୁଟ୍ୟୁବରେ ଅପଲୋଡ୍ କରୁଛନ୍ତି । ଏଥିରୁ ସେ ଲକ୍ଷାଧିକ ଟଙ୍କା ରୋଜଗାର କରୁଛନ୍ତି ।ଘରେ ବସି ମାସକୁ ଲକ୍ଷେ ଟଙ୍କାର ରୋଜଗାର କରୁଛନ୍ତି ଯୁବତୀ । ସରକାରୀ ଚାକିରି ନୁହେଁ କିମ୍ବା କୌଣସି ବଡ କମ୍ପାନୀ ନୁହେଁ ।

ୟୁଟ୍ୟୁବ ଦେଉଛି ଲକ୍ଷାଧିକ ଟଙ୍କାର ରୋଜଗାର । ବିଭିନ୍ନ କଳାକୃତିର ଭିଡିଓ ୟୁଟ୍ୟୁବରେ ଅପ୍‌ଲୋଡ କରି ରୋଜଗାରକ୍ଷମ ହୋଇଛନ୍ତି ଭଦ୍ରକ ଜିଲ୍ଲା ବନ୍ତ ବ୍ଲକ ତରାଗୋ ଗାଁର ଅର୍ପିତା ପ୍ରିୟଦର୍ଶିନୀ । ଅଦରକାରୀ କାଗଜରେ ଦେବାଦେବୀଙ୍କଠୁ ଆରମ୍ଭ କରି ଫଟୋ ଫ୍ରେମ, ଫୁଲଦାନୀ ଏବଂ ଘର ସଜ୍ଜା ସାମଗ୍ରୀର ପ୍ରସ୍ତୁତ ଭିଡିଓ କରି ୟୁଟ୍ୟୁବରେ ଅପଲୋଡ୍ କରୁଛନ୍ତି । ଆଉ ଏହାକୁ ଦର୍ଶକମାନେ ବେଶ୍ ପସନ୍ଦ କରୁଛନ୍ତି । ଘରେ ବସିରହିବା ସମୟରେ ବିଭିନ୍ନ ଅଦରକାରୀ ସାମଗ୍ରୀକୁ ବ୍ୟବହାର କରି ଅନେକ ସୁନ୍ଦର କଳାକୃତି ପ୍ରସ୍ତୁତ କରିଥିଲେ ଅର୍ପିତା ।

ପରେ ୟୁଟ୍ୟୁବରେ କ୍ରାଫ୍ଟ ଗ୍ୟାଲେରୀ ଆକାଉଣ୍ଟ ଖୋଲି ଏହାର ପ୍ରସ୍ତୁତି ଭିଡିଓକୁ ଅପଲୋଡ୍ କରିଥିଲେ । ଅର୍ପିତା ପ୍ରଥମେ ମାସିକକୁ ୪ହଜାର ଟଙ୍କା ରୋଜଗାର କରୁଥିଲେ । ଏବେ ଚ୍ୟାନେଲରେ ଦର୍ଶକ ସଂଖ୍ୟା ବୃଦ୍ଧି ପାଇବାରୁ ମାସକୁ ଲକ୍ଷାଧିକ ଟଙ୍କା ରୋଜଗାର ହେଉଛି । ଯୁବକ ଯୁବତୀଙ୍କ ପାଇଁ ସୋସିଆଲ୍ ମିଡିଆ ଆଣିଛି ନୂଆ ସମ୍ଭାବନା । ଏହାର ସଫଳ ଉପଯୋଗ କରି ଏବେ ସ୍ବାବଲମ୍ବୀ ହେଉଛନ୍ତି ଅନେକ ବେକାର ଯୁବକ ଯୁବତୀ ।

Opn Commnet Area

Leave a Reply

Your email address will not be published. Required fields are marked *

Close Bitnami banner