ଜାମ୍ମୁ କାଶ୍ମୀରରେ ଆର୍ମି ଗାଡ଼ି ଉପରକୁ ଆତଙ୍କବାଦୀଙ୍କ ଆକ୍ରମଣ

ଶ୍ରୀନଗର : ଜାମ୍ମୁ କାଶ୍ମୀରରେ ଆର୍ମି ଗାଡ଼ି ଉପରକୁ ଆତଙ୍କବାଦୀଙ୍କ ଆକ୍ରମଣ। ପାଲଟା କାର୍ଯ୍ୟାନୁଷ୍ଠାନରେ ଜଣେ ଆତଙ୍କବାଦୀ ନିହତ ହୋଇଛି। ଆଉ ୨ ଜଣ ଆତଙ୍କବାଦୀ ଲୁଚି ଥିବାର ସନ୍ଦେହରେ ଚାଲିଛି ସର୍ଚ୍ଚ ଅପରେସନ। ପୁରା ଅଞ୍ଚଳକୁ ଘେରାଉ କରି ସୁରକ୍ଷାକର୍ମୀମାନେ ଖାନତଲାସ୍ କରୁଛନ୍ତି। ଆଜି ସକାଳ ପ୍ରାୟ ୭ଟାରେ ଅଖନୁର ଅଞ୍ଚଳରେ ଆର୍ମି ଆମ୍ଵୁଲାନସକୁ ଟାର୍ଗେଟ କରିଥିଲେ ଆତଙ୍କବାଦୀ। ଗୁଳିମାଡ଼ କରିଥିଲେ। ତେବେ ସେଥିରେ କେହି ମୃତାହତ ହୋଇ ନାହାନ୍ତି। ପାକିସ୍ତାନ ସୀମାନ୍ତର ବଲତାଲ୍ ଅଞ୍ଚଳରେ ଏହି ଘଟଣା ଘଟିଥିବାରୁ ଆର୍ମି ପକ୍ଷରୁ ସର୍ଚ୍ଚ ଅପରେସନ କରାଯାଇଥିଲା। ସ୍ଥାନୀୟ ଲୋକଙ୍କ କହିବା ଅନୁସାରେ ରାଇଫଲ୍ ଧରି ୨ରୁ ୩ ଜଣ ଲୋକ ବୁଲୁଥିଲେ। ସେମାନେ ହିଁ ଆତଙ୍କବାଦୀ ହୋଇଥିବାର ସନ୍ଦେହ କରି ସର୍ଚ୍ଚ ଅପରେସନ କରିଥିଲା ଆର୍ମି। ଏହି ସମୟରେ ଦୁଇ ପକ୍ଷ ମଧ୍ୟରେ ଗୁଳି ବିନିମୟ ହୋଇଛି। ଏଥିରେ ଜଣେ ଆତଙ୍କବାଦୀ ନିହତ ହୋଇଛି। ବାକି ୨ ଜଣଙ୍କୁ ଧରିବାକୁ ଚେଷ୍ଟା ଚାଲିଛି।