ବନ୍ଧୁକ ମରାମତି ବେଳେ ଫୁଟିଲା ବାରୁଦ, ବାରୁଦ ଫୁଟି ୩ ଆହତ

ନବରଙ୍ଗପୁର: ଦେଶୀ ବନ୍ଧୁକ ମରାମତି ବେଳେ ଫୁଟିଲା ବାରୁଦ । ବାରୁଦ ଫୁଟି ୩ ଜଣ ଆହତ ହୋଇଛନ୍ତି । ନବରଙ୍ଗପୁର ଜିଲ୍ଲା ପାପଡ଼ାହାଣ୍ଡି ବ୍ଲକ ମୈଦଲପୁର ହାଟପଦାରେ ଘଟିଛି ଅଘଟଣ । ଆହତଙ୍କୁ ମୈଦଲପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଅଭିଯୋଗ ଅନୁସାରେ ପୂଜାରୀଗୁଡ଼ା ଗାଁର ବୁଦୁ ପୂଜାରୀଙ୍କ ବନ୍ଧୁକକୁ ପୂର୍ବରୁ ସିଜ୍ କରିଥିଲା ବନ ବିଭାଗ । କୋର୍ଟରୁ ରିଲିଜ ଅର୍ଡର ଆସିବା ପରେ ବନ୍ଧୁକକୁ ମରାମତି କରୁଥିଲେ ବୁଦୁ । ଏହି ସମୟରେ ବାରୁଦ ଫୁଟିବାରୁ ବନ୍ଧୁକ ମାଲିକଙ୍କ ସହିତ ୩ ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରେ ୨ ଜଣ ମହିଳା ରହିଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ବନ୍ଧୁକକୁ ଜବତ କରି ତଦନ୍ତ କରୁଛି ।