୧୯୭୫ ମସିହା ଜୁନ୍ ୨୫ ତାରିଖ କଳା ଦିବସକୁ ମନେ ପକାଇ ଟ୍ୱିଟ୍ କଲେ ମୋଦି ଓ ଶାହା

ନୂଆଦିଲ୍ଲୀ: ୧୯୭୫ ମସିହା ଜୁନ୍‌ ୨୫ ତାରିଖ । ଆଜିର ଦିନରେ ସାରା ଦେଶରେ ଏମରଜେନ୍ସି ଲାଗୁ କରିଥିଲେ ଇନ୍ଦିରା ଗାନ୍ଧି ସରକାର । ଏମରଜେନ୍ସି ଦିବସକୁ କଳା ଦିବସ ଭାବେ ପାଳନ କରୁଛି ବିଜେପି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍‌ କରି କଳାଦିବସରେ ବଳିଦାନ ଦେଇଥିବା ଲୋକଙ୍କୁ ମନେ ପକାଇଛନ୍ତି । ସେ ସମୟର ଏକ ଭିଡିଓ ଜାରି କରି ଦେଶବାସୀଙ୍କୁ ସାବାସି ଦେଇଛନ୍ତି ମୋଦି । କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଆଜି ଟ୍ୱିଟ୍‌ କରି ଦିବସକୁ ସମାଲୋଚନା କରିଛନ୍ତି ।

On this day, 45 years ago one family’s greed for power led to the imposition of the Emergency. Overnight the nation was turned into a prison. The press, courts, free speech…all were trampled over. Atrocities were committed on the poor and downtrodden.

— Amit Shah (Modi Ka Parivar) (@AmitShah) June 25, 2020

ଶାହା କହିଛନ୍ତି, ୪୫ ବର୍ଷ ପୂର୍ବରୁ ଦେଶରେ ଏକ ପରିବାର ନିଜର ସ୍ୱାର୍ଥ ପାଇଁ ସାରା ଦେଶରେ ଏମରଜେନ୍ସି ଲାଗୁ କରିଥିଲେ । ଦେଶବାସୀଙ୍କ ସ୍ୱର ଦବାଇଥିଲେ ସେତେବେଳର ଇନ୍ଦିରା ସରକାର । ସାରା ଦେଶକୁ ଜେଲରେ ପରିଣତ କରାଯାଇଥିଲା । ପ୍ରେସ, ଅଦାଲତ ଓ ଅଭିବ୍ୟକ୍ତିର ସ୍ୱାଧୀନତାକୁ ଛଡାଇ ନେଇଥିଲେ ଇନ୍ଦିରା ସରକାର । ଯାହାଫଳରେ ଗରିବ ଓ ଦଳିତଙ୍କ ଉପରେ ଅତ୍ୟାଚାର ବଢିବାରେ ଲାଗିଥିଲା । ସେହିବଳି କେନ୍ଦ୍ର ଆଇନ ମନ୍ତ୍ରୀ ରବିଶଙ୍କର ପ୍ରସାଦ ମଧ୍ୟ ଏମରଜେନ୍ସିକୁ ନେଇ କଂଗ୍ରେସକୁ ସମାଲୋଚନା କରିଛନ୍ତି ।