ଖଣି ବ୍ୟବସାୟୀଙ୍କୁ ଅପହରଣ ଅଭିଯୋଗ: ମହିଳା ସାମ୍ୱାଦିକାଙ୍କ ସମେତ ୪ ଗିରଫ

ଭୁବନେଶ୍ୱର: ଖଣି ବ୍ୟବସାୟୀଙ୍କୁ ଅପହରଣ ଘଟଣାରେ ଏକ ଓ୍ୱେବ୍ ଚାନେଲର ମହିଳା ସାମ୍ବାଦିକାଙ୍କ ସମେତ ୪ ଜଣଙ୍କୁ ଗିରଫ କରିଛି ନନ୍ଦନ କାନନ ପୋଲିସ । ଘଟଣାରେ ମୁଖ୍ୟ ଅଭିଯୁକ୍ତ ଜଣକ ଫେରାର ହୋଇଯାଇଛି । ସୂଚନା ଅନୁଯାୟୀ, ଖଣି ଲିଜ କରାଇ ଦେବାକୁ କହି ବ୍ୟବସାୟୀଙ୍କୁ ଡାକି ଅପହରଣ କରିଥିଲେ ଅଭିଯୁକ୍ତ ।

ରଘୁନାଥପୁର ଅଫିସରେ ବ୍ୟବସାୟୀଙ୍କୁ ୨ଦିନ ଧରି ରଖି ଅକଥନୀୟ ନିର୍ଯାତନା ଦେଇଥିଲେ ଅପହରଣକାରୀ । ଗତ ୫ ତାରିଖରେ ବଡ଼ବିଲରୁ ବ୍ୟବସାୟୀ ଓ ସହଯୋଗୀଙ୍କୁ ଅପହରଣ କରାଯାଇଥିବା ନେଇ ନନ୍ଦନକାନନ ଥାନାରେ ଅଭିଯୋଗ ହୋଇଥିଲା । ଏପରିକି ବ୍ୟବସାୟୀଙ୍କୁ ଛାଡିବା ପାଇଁ ୧୦ ଲକ୍ଷ ଟଙ୍କା ମାଗିଥିଲେ ଅଭିଯୁକ୍ତ । ବ୍ୟବସାୟୀଙ୍କ ପରିବାର ଲୋକ ଅଭିଯୁକ୍ତଙ୍କୁ ୫୦ ହଜାର ଟଙ୍କା ଦେଇଥିଲେ । ଟଙ୍କା ଦେବା ପରେ ବ୍ୟବସାୟୀଙ୍କୁ ଛାଡିଥିଲେ ଅଭିଯୁକ୍ତ ।

https://www.youtube.com/watch?v=BBo9aP69kKI