ମୃତ ବିମାନ ଯାତ୍ରୀ ପଜିଟିଭ୍ ଚିହ୍ନଟ: ଉଦ୍ଧାରକାରୀଙ୍କ ହେବ କରୋନା ଟେଷ୍ଟିଂ

ଥିରୁବନ୍ତପୁରମ୍: କୋଜିକୋଡ ହୋଇଥିବା ବିମାନ ଦୁର୍ଘଟଣାରେ ପ୍ରାଣାହରାଇଥିବା ଯାତ୍ରୀ କରୋନା ପଜିଟିଭ୍ । ୨ ଜଣ ପାଇଲଟଙ୍କ ସମେତ ୧୬ ଜଣ ଯାତ୍ରୀ ପ୍ରାଣ ହରାଇଥିବା ବେଳେ ସେମାନଙ୍କ ମଧ୍ୟରୁ ଜଣେ ମୃତକ କରୋନା ପଜିଟିଭ୍ ଚିହ୍ନଟ ହୋଇଛନ୍ତି ।

ଏହାପରେ ବିମାନ ଦୁର୍ଘଟଣାର ଉଦ୍ଧାର କାର୍ଯ୍ୟରେ ଭାଗ ନେଇଥିବା ସମସ୍ତ ଲୋକଙ୍କୁ କେରଳ ସରକାରଙ୍କ ପକ୍ଷରୁ  ସଙ୍ଗରୋଧରେ କେନ୍ଦ୍ରରେ ରହିବାକୁ ନିର୍ଦ୍ଦେଶ ଦିଆଯାଇଛି ।  ଶନିବାର ସ୍ୱାସ୍ଥ୍ୟମନ୍ତ୍ରୀ କେ.କେ ଶୈଳଜା ଉଦ୍ଧାର କର୍ମଚାରୀଙ୍କୁ ଧନ୍ୟବାଦ ଜଣାଇବ ସହ କୋଭିଡ ପ୍ରୋଟକୋଲ ପାଳନ ପାଇଁ କହିଛନ୍ତି ।  ଏଥିସହିତ ଅନ୍ୟ ସମସ୍ତ ଯାତ୍ରୀଙ୍କ କରୋନା ପରୀକ୍ଷା କରାଯାଉଥିବା ଅଧିକାରୀମାନଙ୍କ ପକ୍ଷରୁ କୁହାଯାଉଛି । ସ୍ଥାନୀୟ ବାସିନ୍ଦା, ବିମାନବନ୍ଦର କର୍ମଚାରୀ, ସ୍ୱେଚ୍ଛାସେବୀ, ସ୍ୱାସ୍ଥ୍ୟକର୍ମୀ, ପୋଲିସ ଓ ଅଗ୍ନିଶମ କର୍ମଚାରୀ, ଆମ୍ୱୁଲାନ୍ସ କର୍ମଚାରୀ, ଡ୍ରାଇଭର ଏବଂ ମିଡିଆ କର୍ମଚାରୀମାନେ ବିମାନ ଯାତ୍ରୀଙ୍କ ପ୍ରାଣ ବଞ୍ଚାଇବାକୁ ଏକାଠି କାମ କରିଥିଲେ । ସର୍ବାଧିକ ସଂଖ୍ୟକ ଯାତ୍ରୀଙ୍କୁ ବଞ୍ଚାଇବାକୁ ଉଦ୍ୟମ କରୁଥିବାରୁ ସେମାନେ କୋଭିଡ ପ୍ରୋଟକୋଲ ଅନୁସରଣ କରିପାରିଲେ ନାହିଁ ।