ନିଲାମ ହେବ ଏୟାର ଇଣ୍ଡିଆର ସମ୍ପୂର୍ଣ୍ଣ ସେୟାର
ବଡ଼ କରଜରେ ବୁଡ଼ିଥିବା ଏୟାର ଇଣ୍ଡିଆର ସମ୍ପୂର୍ଣ୍ଣ ସେୟାର ଏବେ ବିକ୍ରି ହେବ । ଶହେ ପ୍ରତିଶତ ଅଂଶଧନ ନିଲାମ କରିବା ପାଇଁ କେନ୍ଦ୍ର ସରକାର କହିଛନ୍ତି । ଏଥିପାଇଁ ଶେଷ ତାରିଖ ମାର୍ଚ୍ଚ ୧୭ ରଖାଯାଇଛି । ଏହାସହ ସରକାର ଦୁଇଟି ସବସିଡାରୀ କମ୍ପାନୀ ଏୟାର ଇଣ୍ଡିଆ ଏକ୍ସପ୍ରେସ ଏବଂ ଏୟାରପୋର୍ଟ ସର୍ଭିସ କମ୍ପାନୀ ଏଆଇଏସଏଟିଏସକୁ ମଧ୍ୟ ବିକିବା ପାଇଁ ଆବେଦନ ଆହ୍ଵାନ କରିଛନ୍ତି । ଏୟାର ଇଣ୍ଡିଆକୁ ବିକିବା ପାଇଁ ଏକ ମନ୍ତ୍ରୀ ସମୁହ ନିକଟରେ ଡ୍ରାଫଟ୍ ମଞ୍ଜୁରୀ ଦେଇଥିଲେ ।
ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଜିଏମ ବୈଠକରେ ଏହି ନିଷ୍ପତ୍ତି ନିଆଯାଇଥିଲା । ଏୟାର ଇଣ୍ଡିଆ ଦୀର୍ଘ ଦିନ ଧରି କ୍ଷତିରେ ଚାଲୁଥିବା ବେଳେ କମ୍ପାନୀ ଉପରେ ୫୦ହଜାର କୋଟି ଟଙ୍କାରୁ ଅଧିକ କରଜ ରହିଥିବା ଜଣାପଡ଼ିଛି । ଏଥିପାଇଁ ସରକାର ଏହାକୁ ବିକ୍ରି କରିବାକୁ ଯୋଜନା କରିଥିବା ବେଳେ ମାର୍ଚ୍ଚ ସୁଦ୍ଧା ଏହି ପ୍ରକ୍ରିୟା ଶେଷ କରିବାକୁ ଯୋଜନା କରିଛନ୍ତି ।
