ଚୌଦ୍ୱାର ଏଆରସିରେ ପୁଣି ଅଗ୍ନିକାଣ୍ଡ, ନିଆଁକୁ ଲିଭାଇବାକୁ ଉଦ୍ୟମ

ଚୌଦ୍ବାର: ପୁଣି ଚୌଦ୍ବାର ଏଆରସିରେ ଅଗ୍ନିକାଣ୍ଡ ଘଟିଛି । କ୍ୟାମ୍ପସର ଦକ୍ଷିଣ ପଟେ ନିଆଁ ଲାଗିଛି । ନିଆଁକୁ ଲିଭାଇବାକୁ ଉଦ୍ୟମ କରୁଛି ଅଗ୍ନିଶମ ବାହିନୀ । ଘଟଣାସ୍ଥଳରେ ୨ଟି ଦମକଳ ଗାଡିକୁ ନିୟୋଜିତ କରାଯାଇଛି ।

ତେବେ ଏହି ଘଟଣାରେ କ୍ଷୟକ୍ଷତି ନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ । ସେହିପରି ଗତ ୨୭ ତାରିଖରେ ଏଆରସି କ୍ୟାମ୍ପସର ଦକ୍ଷିଣ ପଟେ ନିଆଁ ଲାଗିଥିଲା ।

ଉଲ୍ଲେଖଯୋଗ୍ୟ, ଚୌଦ୍ୱାର ଚାରବାଟିଆ ARCରେ ଅଗ୍ନିକାଣ୍ଡ ଘଟିଛି । ଦୀର୍ଘ ସମୟ ଧରି ନିଆଁ ଲାଗିଥିବା ବେଳେ ଅଗ୍ନକାଣ୍ଡର କାରଣ ଜଣାପଡ଼ିନାହିଁ । ନିଆଁ ଆୟତ୍ତ କରିବାକୁ କଟକ, ଚୌଦ୍ୱାର ଓ ARCର ଦମକଳ ସହିତ ୧୦ରୁ ଅଧିକ ଗାଡ଼ି ନିୟୋଜିତ ହୋଇଛି । ଚଣ୍ଡିଖୋଲରୁ ମଧ୍ୟ ଅଗ୍ନିଶମ ବାହିନୀ ଆସି ପହଞ୍ଚିଛି । ୪ ଘଣ୍ଟାରୁ ଅଧିକ ସମୟ ଧରି ନିଆଁ ଲାଗିଥିବା ବେଳେ ଏଯାବତ୍ ଆୟତ୍ତ ହୋଇପାରି ନାହିଁ ।

ARC ଏକ ଗୁରୁତ୍ୱପୂର୍ଣ୍ଣ ସ୍ଥାନ ହୋଇଥିବା ବେଳେ ପରିସର ମଧ୍ୟ ବ୍ୟାପକ । ପୂର୍ବରୁ ମଧ୍ୟ ୨୦୧୭ ମସିହା ମାର୍ଚ୍ଚ ୩ ତାରିଖରେ ARC ପରିସରରେ ବଡ଼ ଧରଣର ଅଗ୍ନିକାଣ୍ଡ ଘଟିଥିଲା ।ସାରା ଅଞ୍ଚଳ ଧୂଆଁମୟ ହୋଇଯାଇଛି । ବୁଦାରେ ନିଆଁ ଲାଗିଥିବା ନେଇ ଆସିଷ୍ଟାଣ୍ଟ ଫାୟାର ଅଫିସର ସୂଚନା ଦେଇଛନ୍ତି । ତେବେ, ନିଆଁ ଲାଗିବାର କାରଣ ଏଯାବତ୍ ଜଣାପଡ଼ିନାହିଁ । କମିଶନରେଟ ପୋଲିସ ପହଞ୍ଚି ତଦନ୍ତ କରୁଛି ।