ମସ୍କଙ୍କୁ ପୁନାୱାଲାଙ୍କ ପରାମର୍ଶ, ଟ୍ୱିଟର ଡିଲ୍ ପୂରା ନହେଲେ ଏମିତି କର…

ନୂଆଦିଲ୍ଲୀ: ଦୁନିଆର ସବୁଠୁ ଧନୀ ଏଲନ୍ ମସ୍କ ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟରକୁ ୪୪ ଅରବ ଡଲାରରେ କିଣିଛନ୍ତି । ଏବେ ବୁଝାମଣାକୁ ଚୂଡ଼ାନ୍ତ ରୂପ ଦେବାକୁ କାମ ଚାଲିଛି । ଯଦି କୌଣସି କାରଣରୁ ଏଲନ୍ ମସ୍କଙ୍କ ଟ୍ୱିଟର୍ ଡିଲ୍ ଅଧୁରା ରହିଯିବା ତା ହାଲେ ମସ୍କ କଣ କରିବେ । ଏନେଇ ଏଲନ୍ ମସ୍କଙ୍କୁ ଏକ ଉପଦେଶ ଦେଇଛନ୍ତି ସିରମ ଇନଷ୍ଟିଚ୍ୟୁଟର ସିଇଓ ଅଦଲ ପୁନାୱାଲା ।

ଦୁନିଆର ସବୁଠୁ ବଡ଼ ଭ୍ୟାକ୍ସିନ୍ ନିର୍ମାଣକାରୀ କମ୍ପାନୀ ସିଇଓ ପୁନାୱାଲା ଟ୍ୱିଟ୍ କରି ଏଲନ୍ ମସ୍କଙ୍କୁ ପରାମର୍ଶ ଦେଇଛନ୍ତି । ଲେଖିଛନ୍ତି, ହାଏ ଏଲନ୍ ମସ୍କ । ଯଦି ଟ୍ୱିଟର କ୍ରୟ କାର୍ଯ୍ୟ ସମ୍ପୂର୍ଣ୍ଣ ନ ହୁଏ । ତେବେ ସେହି ଅର୍ଥରୁ କିଛି ଭାରତରେ ନିବେଶ କରିପାରନ୍ତି । ଏଠାରେ ଆପଣ ଟେସଲା କାରର ଏକ ବଡ଼ ଓ ଉଚ୍ଚମାନର ଫ୍ୟାକ୍ଟ୍ରି ପ୍ରତିଷ୍ଠା କରିପାରନ୍ତି । ମୁଁ ଆପଣଙ୍କୁ ଭରସା ଦେଇପାରେ କି ଆପଣ ଆଜି ଯାଏ ଯେତେ ନିବେଶ କରିଛନ୍ତି ଏହା ସବୁଠୁ ଭଲ ପୁଞ୍ଜିନିବେଶ ହେବ ।

Hey @elonmusk just in case you don't end up buying @Twitter, do look at investing some of that capital in INDIA for high-quality large-scale manufacturing of @Tesla cars. I assure you this will be the best investment you'll ever make.

— Adar Poonawalla (@adarpoonawalla) May 8, 2022

ଭାରତରେ ଟେସଲା କାର ନିର୍ମାଣ ନେଇ ସରକାର ଓ ଏଲନ୍ ମସ୍କଙ୍କ ମଧ୍ୟରେ ବିବାଦ ଚାଲିଛି । ଭାରତରେ ଇଲେକ୍ଟ୍ରିକ୍ ମାର୍କେଟ୍ ବିସ୍ତାରିତ ହେଉଥିବା ବେଳେ ଏଲନ୍ ମସ୍କ ଏଯାଏ ଟେସଲା କାର ଲଞ୍ଚ କରିନାହାନ୍ତି ।  ଭାରତରେ ଟେସଲା କାର କାରାଖାନା ପ୍ରତିଷ୍ଠା ପୂର୍ବରୁ ଏଲନ୍ ମସ୍କ ବାହାରୁ କାର୍ ଆମଦାନୀ ଉପରେ ରିହାତି ଚାହୁଁଛନ୍ତି । ଏବଂ ଉକ୍ତ କାରର ଟ୍ରାଏଲ୍ ଚାହାଁନ୍ତି । କିନ୍ତୁ ସରାକରଙ୍କ ଅନୁସାରେ, ଟେସଲା ଦେଶରେ କାର ବିକିବ ତ ଫ୍ୟାକ୍ଟ୍ରି କରୁ ।

ବିଗତ ଦିନରେ ଭାରତ ସରକାରଙ୍କ ସହ ହେଉଥିବା ଅସୁବିଧା ନେଇ ଏଲନ୍ ମସ୍କ ଟ୍ୱିଟ୍ କରିଥଲେ । ଯାହାପରେ ଦେଶର କିଛି ରାଜ୍ୟ ପ୍ଲାଣ୍ଟ ପ୍ରତିଷ୍ଠା ପାଇଁ ଆମନ୍ତ୍ରଣ କରିଥିଲେ । ଏଥିରେ ପଶ୍ଚିମବଙ୍ଗ, ତେଲଙ୍ଗାନା, ପଞ୍ଜାବ, ମହାରାଷ୍ଟ୍ର ଓ ତାମିଲନାଡ଼ୁ ଆଦି ରାଜ୍ୟ ସାମିଲ୍ ଥିଲେ ।