ଭୁଲ ରକ୍ତ ଯୋଗୁଁ ରୋଗୀ ମୃତ୍ୟୁ ଘଟଣା: ୩ଙ୍କ ବିରୋଧରେ କାର୍ଯ୍ୟାନୁଷ୍ଠାନ

1 min read

କେନ୍ଦୁଝର: କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭୁଲ ରକ୍ତ ଯୋଗୁଁ ୨ ରୋଗୀଙ୍କ ମୃତ୍ୟୁ ଘଟଣାରେ ୩ ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ । ୨ ଜଣ ଏଲଟି ଓ ଜଣେ ସହାୟକଙ୍କୁ ମିଶାଇ ୩ ଜଣଙ୍କୁ ଅନ୍ୟତ୍ର ବଦଳି କରିଛନ୍ତି ସିଡିଏମଓ । ଦେଢମାସ ଭିତରେ ଦୁଇ ଜଣଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା ।

ରାଇସୁଆଁ ପଞ୍ଚାୟତ ସାହୁସାହିର ସୁନି ସାହୁ ଅସୁସ୍ଥତା କାରଣରୁ ୨ ୟୁନିଟ୍ ବି-ପଜିଟିଭ ରକ୍ତ ଦିଆଯାଇଥିଲା । ପରେ ଅଧିକ ଅସୁସ୍ଥ ହୋଇ ପଡ଼ିବାରୁ ଡାକ୍ତରଙ୍କ ପରାମର୍ଶ କ୍ରମେ କଟକ ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କର ରକ୍ତ ନମୂନା ପରୀକ୍ଷା କରାଯିବାରେ ତାହା AB Positive ଜଣାପଡ଼ିଥିଲା । ସେଠାରେ ତାଙ୍କୁ AB Positive ରକ୍ତ ଦିଆଯାଇଥିଲା । ହେଲେ ଚିକିତ୍ସାଧୀନ ଅବସ୍ଥାରେ ୨୭ ତାରିଖରେ ସେ ପ୍ରାଣ ହରାଇଥିଲେ । ସେହିପରି ସଦର ବ୍ଳକ କଣ୍ଡରାପଶି ଗାଁର ଦାମୁ ମୁଣ୍ଡା ଏପ୍ରିଲ୍ ୧ ତାରିଖରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭତ୍ତି ହେବା ପରେ ତାଙ୍କୁ A Positive ରକ୍ତ ବଦଳରେ B Positive ରକ୍ତ ଦେବାରୁ ତାଙ୍କର ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଥିଲେ ।