ବଢ଼ୁଥିବା ଦରଦାମକୁ ନେଇ କେନ୍ଦ୍ର ଉପରେ ଦୋଷ ଲଦିଲା ରାଜ୍ୟ

ଭୁବନେଶ୍ୱର: ରାଜ୍ୟରେ ଦିନକୁ ଦିନ ବଢ଼ିଚାଲିଛି ଖାଦ୍ୟର ଦରଦାମ । ଦରଦାମ ହୁ ହୁ ହୋଇ ବଢୁଥିବା ନେଇ କେନ୍ଦ୍ର ଉପରେ ଦୋଷ ଲଦିଲା ରାଜ୍ୟ । ଦର ନିୟନ୍ତ୍ରଣ ରାଜ୍ୟ ସରକାରଙ୍କ କ୍ଷମତା ବାହାରେ । ତଥାପି ଦର ନିୟନ୍ତ୍ରଣ କରିବା ପାଇଁ ସରକାର ଉଦ୍ୟମ କରୁଛନ୍ତି  । ଅତ୍ୟାବଶ୍ୟକ ସମାଗ୍ରୀ ସଂଶୋଧନ ଆଇନ ବଳରେ ରାଜ୍ୟ ପାଖରେ ଆଉ ବିଶେଷ କ୍ଷମତା ନଥିବା ଖାଉଟି ଓ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଟ୍ୱିଟ୍ କରି ସୂଚନା ଦେଇଛନ୍ତି । ଆଳୁ, ତେଲ, ପିଆଜ ପରି ଅତ୍ୟାବଶ୍ୟକୀୟ ସାମଗ୍ରୀର ଦର ନିୟନ୍ତ୍ରଣ କରିବା ପାଇଁ ରାଜ୍ୟ ସରକାର ଉଦ୍ୟମ ଜାରି ରଖିଥିବା ମନ୍ତ୍ରୀ କହିଛନ୍ତି ।