ଏକକ ପିଜି ପରୀକ୍ଷାର ମେଧା ତାଲିକା ପ୍ରକାଶ

ଭୁବନେଶ୍ୱର: ଏକକ ପିଜି ପରୀକ୍ଷା ମେଧା ତାଲିକା ପ୍ରକାଶ । ସାମସ୍-ସିପିଇଟି ୨୦୨୦ ଓ୍ୱେବସାଇଟରେ ଉପଲବ୍ଧ । www.samsodisha.gov.in ରେ ଦେଖିପାରିବେ ମେଧା ତାଲିକା । ଷ୍ଟେଟ୍ ଓ୍ୱାଇଜ୍ ମେରିଟ୍ ଲିଷ୍ଟ୍ ଲିଙ୍କରେ ଦେଖିପାରିବେ । ଛାତ୍ରଛାତ୍ରୀ ୟୁଜର ନେମ୍ ଓ ପାସଓ୍ୱାର୍ଡ ଦେଇ ଲଗଇନ୍ କରିପାରିବେ । ୭୦ଟି ୟୁନିଭର୍ସିଟି ଓ କଲେଜ ପାଇଁ ହୋଇଥିଲା ଏକକ ପିଜି ପରୀକ୍ଷା ।

ପ୍ରଥମଥର ବିଭିନ୍ନ ପାଠ୍ୟକ୍ରମ ପାଇଁ ହୋଇଥିଲା ଏକକ ପିଜି ପରୀକ୍ଷା । ୧୪ ହଜାର ୪୦୧ଟି ସିଟ୍ ପାଇଁ ହୋଇଥିଲା ପିଜି ପରୀକ୍ଷା । ପରୀକ୍ଷା ଦେବା ପାଇଁ ଆବେଦନ କରିଥିଲେ ୬୨,୧୯୦ ଛାତ୍ରଛାତ୍ରୀ । ଏକକ ପିଜି ପରୀକ୍ଷା ଦେଇଥିଲେ ୫୫,୭୪୬ ପରୀକ୍ଷାର୍ଥୀ । ପ୍ରବେଶିକା ପରୀକ୍ଷା ପାଇଁ ୭୧,୭୮୯ ହଲ ଟିକେଟ ଜାରି କରାଯାଇଥିଲା । ମୋଟ ୫୨,୭୮୦ଜଣଙ୍କ ମେଧା ତାଲିକା ପ୍ରକାଶ କରାଯାଇଛି ।