IND vs AUS: ନିଜ ଦୁର୍ବଳତା ଲୁଚାଇବାକୁ ସ୍ମିଥ୍ଙ୍କ ପ୍ରୟାସ, ଭାରତୀୟ ଦ୍ରୁତ ବୋଲରଙ୍କୁ କଲେ ଚ୍ୟାଲେଞ୍ଜ
1 min read
ମେଲବର୍ଣ୍ଣ: ୩ଟି ଏକଦିବସୀୟ, ୩ଟି ଟି-୨୦ ଏବଂ ୪ଟି ଟେଷ୍ଟ ମ୍ୟାଚ୍ ବିଶିଷ୍ଟ ସିରିଜ୍ ଖେଳିବା ଲାଗି ଅଷ୍ଟ୍ରେଲିଆ ଗସ୍ତରେ ଯାଇଛି ଟିମ୍ ଇଣ୍ଡିଆ । ବିରାଟ କୋହଲୀଙ୍କ ନେତୃତ୍ୱାଧିନ ଟିମ୍ ଇଣ୍ଡିଆ ୨୭ ନଭେମ୍ୱରରେ ଏକଦିବସୀୟ ସିରିଜ୍ ଖେଳିବା ସହ ଅଷ୍ଟ୍ରେଲିଆ ବିରୋଧରେ ନିଜ ଅଭିଯାନ ଆରମ୍ଭ କରିବ । ଏହା ପରେ ଦଳ ଟି-୨୦ ସିରିଜ୍ ଖେଳିବ ଏବଂ ଶେଷରେ ଟେଷ୍ଟ ସିରିଜ୍ ଖେଳିବ । ତେବେ ଟେଷ୍ଟ ସିରିଜ୍ ପୂର୍ବରୁ ଅଷ୍ଟ୍ରେଲିଆର ରନ୍ ମେସିନ୍ ଷ୍ଟିଭ୍ ସ୍ମିଥ୍ ଭାରତୀୟ ଦ୍ରୁତ ବୋଲରଙ୍କୁ ଚେତେଇ ଦେଇଛନ୍ତି । ସେ କହିଛନ୍ତି ନିଜ କ୍ରୀଡ଼ା ଜୀବନ ମଧ୍ୟରେ ସେ ଏତେ ସର୍ଟବଲ୍ର ସାମ୍ନା କରିଛନ୍ତି ଯେ, ତାଙ୍କୁ ଏବେ ଆଉ ଡର ଲାଗୁନି । ପୂର୍ବ କ୍ୟାପଟେନଙ୍କ କହିବାନୁଯାୟୀ, ଅଷ୍ଟ୍ରେଲିଆ ଖେଳାଳିଙ୍କୁ ସର୍ଟବଲ୍ ପକାଇଲେ ସେମାନଙ୍କ ହିଁ ଫାଇଦା ହେବ ।
ନିଲ୍ ଓ୍ୱାଗେନରଙ୍କ ସର୍ଟପିଚ୍ ବଲରେ ୪ ଥର ଆଉଟ ହୋଇଛନ୍ତି ସ୍ଟିଭ୍ ସ୍ମିଥ୍
ନ୍ୟୁଜିଲାଣ୍ଡ ବିପକ୍ଷ ଗତ ସିରିଜ୍ରେ ବାମହାତୀ ଫାଷ୍ଟ ବୋଲର ନିଲ୍ ଓ୍ୱାଗେନରଙ୍କ ୪ ଥର ସ୍ଟିଭ୍ ସ୍ମିଥଙ୍କୁ ଆଉଟ୍ କରିଛନ୍ତି । ସବୁ ସ୍ମିଥ୍ ସର୍ଟ ପିଚ୍ ବଲ୍ ଯୋଗୁଁ ହିଁ ଆଉଟ୍ ହୋଇଛନ୍ତି । ତେବେ ପରେ ସ୍ମିଥ୍ କହିଛନ୍ତି ଯେ, ଓ୍ୱାଗେନରଙ୍କ ଶାଣିତ ବୋଲିଂ କରିଥିଲେ, କିନ୍ତୁ ସେ ପୁଣି ଥରେ ତାହାକୁ ଦୋହରାଇ ପାରିବେ ନାହିଁ । ସେ ଆହୁରୀ କହିଛନ୍ତି ଅନ୍ୟ କୌଣସି ବିପକ୍ଷ ଟିମ୍ ଚେଷ୍ଟା କରିଥିଲେ କିନ୍ତୁ ସେମାନେ ସେହିଭଳି ସଫଳତା ହାସଲ କରିପାରିନଥିଲେ । ଯେଉଭଳି ଭାବେ ଓ୍ୱାଗେନର ହାସଲ କରିଥିଲେ ।
