୨ଟି ଗାଡିରୁ ଲକ୍ଷେ କି ୨ ଲକ୍ଷ ନୁହେଁ କୋଟିଏ ଟଙ୍କାର ଗଞ୍ଜେଇ ଜବତ

ଭୁବନେଶ୍ୱର: ଲମତାପୁଟ ଓ ପାଡ଼ୁଆ ପୁଲିସକୁ ବଡ ସଫଳତା । ୨ଟି ଗାଡିରୁ ଲକ୍ଷେ କି ୨ ଲକ୍ଷ ନୁହେଁ ପ୍ରାୟ ୧ କୋଟି ୩୦ ଲକ୍ଷ ଟଙ୍କାର ଗଞ୍ଜେଇ ଜବତ କରିବା ସହ  ଜଣେ ଡ୍ରାଇବର ଗିରଫ ହୋଇଛି । କୋରାପୁଟ SPଙ୍କ ନିର୍ଦ୍ଦେଶରେ ପରେ ନନ୍ଦପୁର SDPO ଙ୍କ ନେତୃତ୍ୱରେ ୨ଟି ଟିମ ଲମତାପୁଟ ଓ ପାଡ଼ୁଆ ଅଞ୍ଚର ବିଭିନ୍ନ ସ୍ଥାନରେ ରାତି ପେଟ୍ରୋଲିଂ କରୁଥିଲେ ।

ଆନ୍ଧ୍ରପ୍ରଦେଶ ସୀମାନ୍ତ ଜଳାପୁଟ ଅଂଚଳରୁ ଏକ ଗଂଜେଇ ବୋଝେଇ 407ଗାଡିକୁ ଲମତାପୁଟ ପୁଲିସ  ବଡପଡା ଘାଟି ନିକଟରେ ଅଟକାଇଥିଲେ । ପୋଲିସ ଚେକିଂକୁ ଦେଖି ୨ଜଣ ଚମ୍ପଟ ମାରିଛି । ପ୍ରାୟ ୧୦ କୁଇଣ୍ଟାଲ ୩୬ କେଜି ଗଞ୍ଜେଇ ଜବତ ହୋଇଛି ।  ଠିକ୍ ସେହିପରି ପାଡୁଆ ପୁଲିସ  ମଧ୍ୟ ରାତ୍ର ପେଟ୍ରୋଲିଂ ସମୟରେ  ପାଡୁଆ ଅଞ୍ଚଳରୁ ଗଞ୍ଜେଇ ଜବତ ହୋଇଛି ।

ଆନ୍ଧ୍ରପ୍ରଦେଶ ଅଞ୍ଚଳକୁ ଗଞ୍ଜେଇ ଚୋରାଚାଲାଣ ହେଉଥିବା ଏକ ଟ୍ରକକୁ ଅଟକ ରଖି ଯାଞ୍ଚ କରିବା ସମୟରେ ୨୪୯କେଜି ଗଞ୍ଜେଇ ସହ ଡ୍ରାଇଭରକୁ ଗିରଫ କରିବାରେ ସଫଳ ହୋଇଛି ।  ଲମତାପୁଟ ଓ ପାଡ଼ୁଆ ଥାନାରୁ ପ୍ରାୟ ୧୨କୁଇଣ୍ଟାଲ ୮୫ କେଜି ଗଞ୍ଜେଇ ଜବତ କରାଯାଇଛି । ସମସ୍ତ ଜବତ ଗଂଜେଇ ଆନ୍ଧ୍ର, ଛତିଶଗଡ଼ ଅଂଚଳକୁ ଚୋରା ଚାଲାଣ ହେଉଥିବା ପୁଲିସର ପ୍ରାଥମିକ ତଦନ୍ତରୁ ଜଣାପଡିଛି ।