କାଶ୍ମୀରରେ ହେଉଛି ଦୁନିଆର ସବୁଠୁ ମହଙ୍ଗା ଫସଲ, କାହିଁକି ଏବେ ବିପଦରେ…

ଶ୍ରୀନଗର: ଜମ୍ମୁ-କାଶ୍ମୀରର କେଶର ସାରା ଦୁନିଆରେ ଲୋକପ୍ରିୟ ଅଟେ । କାଶ୍ମୀରରେ ବିପୁଳ ପରିମାଣରେ କେସର ଚାଷ କରାଯାଏ । ଏହାକୁ ଦୁନିଆର ସବୁଠୁ ମହଙ୍ଗା କେଶର କୁହନ୍ତି । ଏତିକି ନୁହେଁ କାଶ୍ମୀର କେଶରକୁ ଦୁନିଆରେ ସବୁଠୁ ଭଲ କେଶର କୁହାଯାଏ । ଏବେ କାଶ୍ମୀରରେ କେଶର ଅମଳର ସମୟ । ତେବେ, କୃଷକ କେଶର ଅମଳକୁ ନେଇ ଖୁସି ନାହାଁନ୍ତି । କାରଣ ଏମିତି କିଛିବର୍ଷ ହେଲା ହୋଇ ଆସୁଛି ।

୨୦୧୦ରେ କାଶ୍ମୀରରେ କେଶର ଚାଷର ପୁନରୁଦ୍ଧାର ପାଇଁ କେଶର ମିଶନ ଆରମ୍ଭ କରାଯାଇଥିଲା । ଯେଉଁଥିପାଇଁ କେନ୍ଦ୍ର ସରକାର ୪୧୧ କୋଟି ଟଙ୍କା ଅନୁମୋଦନ କରିଥିଲେ । ପ୍ରକଳ୍ପ ଅନୁସାରେ, କେଶର ଚାଷଜମିରେ ପାଣି ସ୍ପ୍ରେ ପାଇଁ ସ୍ପ୍ରିଙ୍କଲର ଲାଗି ୧୨୬ଟି ବୋରୱେଲ ଖୋଳା ଯାଇଥାନ୍ତା ।

ପ୍ରଥମେ ଏହି ପ୍ରକଳ୍ପ ୫ ବର୍ଷ ପାଇଁ ଆରମ୍ଭ ହୋଇଥିଲା । କିନ୍ତୁ, ଯେତେବେଳେ ଜାମ୍ମୁ-କାଶ୍ମୀର ସରକାର ୨୦୧୫ ସମୟ ସୀମାକୁ ପୂରଣ କରିପାରିଲେ ନାହିଁ ତ କେନ୍ଦ୍ର ସରକାର ଆଉ ୨ ବର୍ଷେ ଯାଏଁ ପ୍ରକଳ୍ପ ଅବଧି ବୃଦ୍ଧି କରିଥିଲେ । ପରେ ୨୦୧୮ରେ ଏହାକୁ ପୁଣି ୨ ବର୍ଷ ବୃଦ୍ଧି କରା ଯାଇଥିଲା ।

ସ୍ଥାନୀୟ କେଶର ଚାଷୀଙ୍କ କହିବା ଅନୁସାରେ- ଗତ ୧୦ ବର୍ଷ ହେଲା ପମ୍ପୋରରେ କେଶର ଚାଷ କରୁଥିବା କୃଷକ ସ୍ପ୍ରିଙ୍କଲର ଜଳ ସିଞ୍ଚନ ସମ୍ପୂର୍ଣ୍ଣ ହେବାକୁ ଅପେକ୍ଷା କରିଛନ୍ତି । ସରକାର ଗତ କିଛିବର୍ଷ ହେଲା ପ୍ରାୟତଃ ଅସୁବିଧାର ସମ୍ମୁଖୀନ ହେଉଛନ୍ତି । କେଶର ଚାଷକୁ ପ୍ରୋତ୍ସାହନ ଦେବା ଲାଗି ଏହି ସୁବିଧା ପାଇଁ ପ୍ରତିଶ୍ରୁତି ଦେଇଥିଲେ ।

ପୁଲୱାମା ଜିଲ୍ଲାର ପମ୍ପୋର ତହସିଲରେ ପ୍ରାୟ ୩୨୦୦ ହେକ୍ଟର ଜମିରେ କେଶର ଚାଷ ହୋଇଥାଏ । ଯେତେବେଳେ କି କେଶର ଚାଷ ପାଇଁ ଜମ୍ମୁ-କାଶ୍ମୀରରେ ପ୍ରାୟ ୩, ୭୧୫ ହେକ୍ଟର ଜମି ରହିଛି । କେଶର ଚାଷୀ ମୋହମ୍ମଦ ୟୁସୁଫ କହିଛନ୍ତି- ଗ୍ରୀଷ୍ମ ପରିସ୍ଥିତ ଓ ଗ୍ଲୋବାଲ ୱାର୍ମିଂକୁ ଦେଖି କେଶର ପାଇଁ ସ୍ପ୍ରିଙ୍କଲର ସିଞ୍ଚନ ଆବଶ୍ୟକ । ସ୍ପ୍ରିଙ୍କଲର ସିଞ୍ଚନ ଦ୍ୱାରା କୃଷକ କୌଣସ ଫସଲ ସାମାନ୍ୟ ସମୟର ୧୦ ଦିନ ପୂର୍ବରୁ ଓ ଅଧିକ ମାତ୍ରାରେ ପାଇଥାଏ । ଏହାଦ୍ୱାରା କେଶର ଉତ୍ପାଦନକୁ ପ୍ରୋତ୍ସାହନ ମିଳିବ ।

ସେ ଆହୁରି କୁହନ୍ତ ମେକାନିକାଲ ଇଞ୍ଜିନିୟରିଂ ବିଭାଗ କିଛି କୃଷକଙ୍କ ସିଞ୍ଚାଇ ସୁବିଧା ଦେଇଛନ୍ତି । କିନ୍ତୁ, ଏଥିରେ ବିଦ୍ୟୁତ୍ ସୁବିଧା ନାହିଁ । ଆମେ ଯେତେବେଳେ ପମ୍ପ ଚଳାଇବା ଲାଗି ଅଧିକାରୀଙ୍କୁ ପଚାରୁ ତ ସେଥିପାଇଁ ସେମାନଙ୍କ ପାଖରେ କୌଣସି ଇନ୍ଧନ ନଥିବା କୁହନ୍ତି । ୟୁସୁଫଙ୍କ ଅନୁସାରେ ଅଧିକାରୀ କୁହନ୍ତି- କେନ୍ଦ୍ର ସମୟରେ ଆବଶ୍ୟକ ଟଙ୍କା ଦେଉନାହିଁ ।