ରିପବ୍ଲିକର ୧ ହଜାର କର୍ମଚାରୀଙ୍କ ବିରୋଧରେ ଏତଲା ରୁଜୁ କଲା ମୁମ୍ବାଇ ପୋଲିସ

ମୁମ୍ବାଇ: ଟିଆରପି ସ୍କାମରେ ଛନ୍ଦି ହୋଇ ପଡ଼ିଥିବା ରିପବ୍ଲିକ ମିଡିଆ ପାଇଁ ବଢ଼ିଲା ଅଡ଼ୁଆ । ମୁମ୍ବାଇ ପୋଲିସ ଆଜି ରପବ୍ଲିକ ମିଡିଆ ନେଟୱର୍କର ଏକ ହଜାର କର୍ମଚାରୀଙ୍କ ବିରୋଧରେ ଏତଲା ରୁଜୁ କରିଛି । ଏହି ଏତଲା ମୁମ୍ବାଇ ପୋଲିସ କମିଶନର ପରମବୀର ସିଂହଙ୍କ ନିର୍ଦ୍ଦେଶରେ ରୁଜୁ ହୋଇଥିବା କୁହାଯାଉଛି । ରିପବ୍ଲିକର ବରିଷ୍ଠ ସମ୍ପାଦକଙ୍କ ବିରୋଧରେ ମଧ୍ୟ ଅପରାଧିକ ମାମଲା ରୁଜୁ ହୋଇଛି ।

ଏହା ପୂର୍ବରୁ ମୁମ୍ବାଇ ପୋଲିସ କମିଶନର ପରମବୀର ସିଂହ ରିପବ୍ଲିକ ମିଡିଆ ନେଟୱର୍କର ଟଏଲେଟ୍ ପେପର, ଟିସ୍ୟୁ ପେପର, ଏ-୪ ପେପର ସମେତ ଷ୍ଟେସନାରୀ ଜିନିଷର ମୂଲ୍ୟର ତଥ୍ୟ ମାଗିଥିଲା । ଏପରିକି ପୋଲିସ ରିପ୍ଲବିକ ଏୟାର କଣ୍ଡିସନିଙ୍ଗ୍ ଉପକରଣ, ଫର୍ଣ୍ଣିଟର, ମେକଅପ୍, ସୁଟ୍, ଆଦି ସମ୍ବନ୍ଧରେ ତଥ୍ୟ ମାଗିଥିଲା । ଏସବୁ ତଥ୍ୟ ମାତ୍ର ୧୨ ଘଣ୍ଟା ମଧ୍ୟରେ ପ୍ରଦାନ ପାଇଁ ପୋଲିସ କହିଥିବା ରିପବ୍ଲିକ ଟିଭି ପକ୍ଷରୁ କୁହାଯାଇଛି ।

ରିପବ୍ଲିକର ମୁଖ୍ୟ ସମ୍ପାଦକ ଅର୍ଣ୍ଣବ ଗୋସ୍ୱାମୀଙ୍କ ସମେତ ୧ ହଜାର ଜଣ ସାମ୍ବାଦିକଙ୍କ ବିରୋଧରେ ଜାମିନ୍-ବିହୀନ ମାମଲା ରୁଜୁ ହୋଇଛି । ମିଥ୍ୟା ଖବର ପ୍ରସାରଣ କରି ମୁମ୍ବାଇ ପୋଲିସକୁ ବଦନାମ କରୁଥିବାରୁ ଆଇପିସିର ଧାରା ୫୦୦ ଓ ୩୪ ଲଗାଇଛି ପୋଲିସ ।