ବସ୍ ମାଲିକ କରୁଥିଲେ ବସ୍ରୁ ଦାଦାବଟି ଆଦାୟ, ଆଣ୍ଟି ଏକ୍ସଷ୍ଟ୍ରୋସନ ଟାସ୍କ ଫୋର୍ସ କଲା ଗିରଫ
ଭୁବନେଶ୍ୱର: ଜୋରଦାର ହେଲା ଦାଦାବଟି କୁ ନା । ଖଣ୍ଡଗିରି ଅଞ୍ଚଳରୁ ଭରତ ପ୍ରଧାନକୁ ଉଠାଇଲା ଆଣ୍ଟି ଏକ୍ସଷ୍ଟ୍ରୋସନ ଟାସ୍କ ଫୋର୍ସ । ବସରୁ ବଟି ମାଗିବା ଅଭିଯୋଗରେ ଉଠାଇଲା ଟିମ । ସେ ବସ୍ ମାନଙ୍କ ଠାରୁ ଜୋରଜବରଦସ୍ତି ଦାଦାବଟି ଆଦାୟ କରୁଥିଲେ । ଏଥିପାଇଁ ବସଷ୍ଟାଣ୍ଡରେ ଅରଜାକତା ପରେ ତାଙ୍କ ନାମରେ ଅଭିଯୋଗ ହୋଇଥିଲା । ଭରତ ଆସୋସିଏସନ ବ୍ୟତିତ ଅନ୍ୟ କୌଣସି ବସ ଷ୍ଟାଣ୍ଡରୁ ବାହାରିଲେ ୨୦୦୦ ଟଙ୍କା ଏବଂ ସିଟ ପିଛା କମିଶନ ମାଗୁଥିଲା ।
ଖାଲି ସେତିକି ନୁହେଁ ଭୁବନେଶ୍ୱରରୁ ହ୍ରାଇଦ୍ରାବାଦ ଟିକେଟ ଦେଉଥିଲା। କିନ୍ତୁ ମାଲକାନାଗିରିକ ତାର ବସ ଯାଉଥିଲେ । ଯେଉଁଥିପାଇଁ ଲୋକେ ବହୁତ ଅସୁବିଧାର ସାମ୍ନା କରୁଥିଲେ । ଏଭଳି ଅଭିଯୋଗ ପରେ ଗିରଡ଼ କରିଛି ଆଣ୍ଟି ଏକ୍ସଷ୍ଟ୍ରୋସନ ଟାସ୍କ ଫୋର୍ସ । ସବୁଠାରୁ ବଡ଼ କଥା ଳହେଉଛି ବଟି ଆଦାୟ କରୁଥିବା ବ୍ୟକ୍ତିଙ୍କର ରହିଛି ୧୦ ରୁ ଅଧିକ ବସ୍ । ତେବେ ସେ କଣ ପାଇଁ ଭରତ ଆସୋସିଏସନ ବସ୍ ଠାରୁ ଦାଦାବଟି ଆଦାୟ କରୁନଥିଲେ ତାକୁ ନେଇ ପ୍ରଶ୍ନ ଉଠିଛି ।
ସୂଚନାଯୋଗ୍ୟ, ଶୁକ୍ରବାର କମିଶନରେଟ ପୋଲିସ ପକ୍ଷରୁ ଦାଦାବଟିକୁ ନା କାର୍ଯ୍ୟକ୍ରମର ଶୁଭାରମ୍ଭ ହୋଇଛି । ଟ୍ୱିନ୍ସିଟିରେ ଦାଦାବଟି ଆଦାୟକୁ ରୋକିବା ପାଇଁ କମିଶନରେଟ୍ ପୋଲିସର ଉଦ୍ୟମ ଆରମ୍ଭ ହୋଇଛି । ଏଥିପାଇଁ ଏକ ଟାକ୍ସ ଫୋର୍ସ ଗଠନ ହୋଇଛି । ବଟି ଦେଉଥିବା ଲୋକଙ୍କ ସହ ପୋଲିସ ଆଲୋଚନା କରୁଛି । ଭୟଭୀତ ନହୋଇ ପୋଲିସ ଉପରେ ଭରସା ରଖି ବିନା ଦ୍ୱିଧାରେ ନିଜ ବ୍ୟବସାୟ କରିବା ପାଇଁ ପୋଲିସ ବ୍ୟବସାୟୀମାନଙ୍କୁ ପ୍ରବର୍ତ୍ତାଉଛି । କେହି ବଟି ମାଗିଲେ ତୁରନ୍ତ ପୋଲିସକୁ ଏନେଇ ସୂଚନା ଦେବା ପାଇଁ ଅପିଲ୍ କରାଯାଇଛି ।
