ହାଥରସ୍ ପୀଡ଼ିତାଙ୍କ ବାପାଙ୍କୁ ଜିଲ୍ଲାପାଳ କହିଲେ, ତମ ଝିଅ ଯଦି କରୋନାରେ ମରିଥାନ୍ତା ?
1 min readଲକ୍ଷ୍ନୌ: ୟୁପି ହାଥରସକୁ ନେଇ ଅଡ଼ୁଆରେ ପ୍ରଶାସନ । ପୀଡ଼ିତାଙ୍କ ପରିବାର ଏଭଳି କିଛି ଗୁରୁତର ଅଭିଯୋଗ ଆଣିଛନ୍ତି ଜିଲ୍ଲା ପ୍ରଶାସନ ନାଁରେ । ଜିଲ୍ଲା ଅଧିକାରୀ ପ୍ରବୀଣ କୁମାର ଲକ୍କରଙ୍କ ନାଁରେ ପୀଡ଼ିତାଙ୍କ ଭାଉଜ ସଙ୍ଗୀନ ଅଭିଯୋଗ କରିଛନ୍ତି । ଜିଲ୍ଲାପାଳ ତାଙ୍କ ଶ୍ୱଶୁର ଅର୍ଥାତ୍ ପୀଡ଼ିତାଙ୍କ ବାପାଙ୍କୁ କହିଛନ୍ତି- ‘ତୁମ ଝିଅ ଯଦି କରୋନାରେ ମରିଥାନ୍ତା ତ ତୁମକୁ ସହାୟତା ଟଙ୍କା ମିଳିଥାନ୍ତା ।’ ଏଥିସହ ସୋସିଆଲ୍ ମିଡିଆରେ ବୁଲୁଥିବା ଜିଲ୍ଲାପାଳ ଓ ପୀଡ଼ିତାଙ୍କ ବାପାଙ୍କ ମଧ୍ୟରେ କଥାବାର୍ତ୍ତାର ଏକ ଭିଡିଓ ପ୍ରଶାସନ ଉପରେ ସନ୍ଦେହ ସୃଷ୍ଟି କରିଛି ।
ସୋସିଆଲ୍ ମିଡିଆରେ ଭାଇରାଲ୍ ଭିଡିଓରେ ଜିଲ୍ଲାପାଳ ପୀଡ଼ିତାଙ୍କ ବାପାଙ୍କୁ କହୁଛନ୍ତି- ଆପଣ ଆପଣଙ୍କ ବିଶ୍ୱନୀୟତାକୁ ହରାନ୍ତୁ ନାହିଁ । ଆଉ ମିଡିଆ ଆଜି ଅଧା ପଳାଇଛନ୍ତି ଆଉ କାଲି ଅଧା ପଳାଇବେ । ଆମେ ଆପଣଙ୍କ ସହିତ ଅଛୁ, ଆପଣଙ୍କ ଇଚ୍ଛା ଆପଣ ବାରମ୍ବାର ବୟାନ ବଦଳାଇବେ କି ନାହିଁ । ଆମେ ବି ବଦଳି ଯିବୁ ।
ଏହି ଭିଡିଓ ବାଦ୍ ପୀଡ଼ିତାଙ୍କ ଭାଉଜଙ୍କ ଅଭିଯୋଗ ଜିଲ୍ଲାପାଳ କହୁଛନ୍ତି- ତୁମ ଝିଅ କରୋନାରେ ମରି ଯାଇଥିଲେ, ସହାୟତା ଅର୍ଥ ପାଇଥାନ୍ତ । ବାପାଙ୍କୁ ଧମକ ଦିଆଯାଉଛି । ଆମକୁ ଏଠାରେ ରହିବାକୁ ଦେବେନି । ଜିଲ୍ଲାପାଳ ବହୁତ ଚାଲ୍ ଖେଳୁଛନ୍ତି । ପ୍ରଶାସନ ଆମ ଉପରେ ଚାପ ପକାଉଛି । ତେବେ ସୋସିଆଲ୍ ମିଡିଆରେ ଭାଇରାଲ ଭିଡିଓ ନେଇ ପ୍ରଶାସନ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।