ରାଜଧାନୀରେ ଜବରଦଖଲ ଭାଙ୍ଗିଲା ବିଏମସି, ପ୍ରତିବାଦ ସତ୍ତ୍ୱେ ଉଚ୍ଛେଦ ହେଲା ୨୭ ଦୋକାନ

ଭୁବନେଶ୍ୱର: ବିଡିଏ ଓ ବିଏମସି ଜବରଦଖଲ ଉଚ୍ଛେଦ ଆରମ୍ଭ କରିଛି । ଏହି କ୍ରମରେ ଆଜି ୟୁନିଟ-୨ ନିକଟ ରାସ୍ତାକଡରୁ ଉଚ୍ଛେଦ କରାଯାଇଛି। ଉଚ୍ଛେଦ ପୂର୍ବରୁ ବାରମ୍ବାର ନୋଟିସ ଓ ଡ଼ାକବାଜି ଯନ୍ତ୍ର ଯୋଗେ ତାଗିଦ ସତ୍ତ୍ୱେ ଜବର ଦଖଲକାରୀ ଶୁଣିନଥିଲେ  । ଏବେ ପ୍ରଶାସନ ତ୍ୱରିତ ପଦକ୍ଷେପ ନେଇ ରାସ୍ତା କଡ଼ରେ ଥିବା ମୋଟ ୨୭ଟି ଦୋକାନକୁ ଉଚ୍ଛେଦ କରିଛି । ଉଚ୍ଛେଦ ବେଳେ କ୍ଷତିଗ୍ରସ୍ତ ଦୋକାନୀ ଓ କ୍ଷୁଦ୍ର ବ୍ୟବସାୟୀ ସଂଘ ବିରୋଧ କରି ରାସ୍ତାରୋକ କରିଥିଲେ ।

ପରେ ପୋଲିସର ହସ୍ତକ୍ଷେପ କରିବା ପରେ ରାସ୍ତାରୋକ ହଟିଥିଲା। ଘଟଣାସ୍ଥଳରେ ଉତ୍ତେଜନା ଲାଗିରହିଛି । ଉଲ୍ଲେଖଯୋଗ୍ୟ ଯେ, ସମ୍ପୃକ୍ତ ସ୍ଥାନରେ ସ୍ମାର୍ଟ ସିଟି ପକ୍ଷରୁ ବହୁତଳ କୋଠା ନିର୍ମାଣ ଜାରି ରହିଛି । କୋଠା ସମ୍ମୁଖରେ ଦୀର୍ଘ ଦିନ ଧରି ଜବରଦଖଲ କରି ନୂତନ ମାର୍କେଟ ଖୋଲାଯାଇଥିଲା। ଏହାଦ୍ୱାରା ଟ୍ରାଫିକ ଓ ସାଧରଣ ଲୋକଙ୍କ ଯାତାୟତରେ ସମସ୍ୟା ସୃଷ୍ଟି ହେଉଥିଲା।