କରୋନାକୁ ମାତ୍ ଦେବାକୁ ଜିଲ୍ଲା ବଣିକ ସଙ୍ଘର ଦୃଢ ନିଷ୍ପତ୍ତି

ଝାରସୁଗୁଡ଼ା: କରୋନାକୁ ମାତ ଦେବାକୁ ଅଣ୍ଟା ଭିଡ଼ିଛି ଝାରସୁଗୁଡ଼ା ଜିଲ୍ଲା ପ୍ରଶାସନ । ଗତ କିଛିଦିନ ହେବ ହୁ ହୁ ହୋଇ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ନେଇଛି ପଦକ୍ଷେପ । ଝାରସୁଗୁଡାର ସମସ୍ତ ଦୋକାନ ବଜାର ଆଜିଠାରୁ ୭ଦିନ ପାଇଁ ବନ୍ଦ ରହିବ । ଏ ନେଇ ନିଷ୍ପତ୍ତି ନେଇଛି  ଜିଲ୍ଲା ବଣିକ ସଙ୍ଘ । ବନ୍ଦ ସମୟରେ କେବଳ ପନିପରିବା ଦୋକାନ, ଗ୍ରୋସେରୀ ଦୋକାନ ଓ ମାଛମାଂସ ଦୋକାନ ସକାଳ ୭ରୁ ୧୨ଟା ଯାଏଁ ଖୋଲା ରହିବ ।  ଅନ୍ୟ ସମସ୍ତ ଦୋକାନ ବନ୍ଦ ରହିବ ବୋଲି ଜିଲ୍ଲା ବଣିକ ସଙ୍ଘ ନିଷ୍ପତ୍ତି ନେଇଛି ।

କେବଳ ସେତିକି ନୁହେଁ ଏନେଇ ଦୋକାନୀଙ୍କୁ କ୍ଷତିପୂରଣ ମଧ୍ୟ ଦିଆଯିବାକୁ ନିଷ୍ପତ୍ତି ହୋଇଛି । ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନେଇଛି ଜିଲ୍ଲା ପ୍ରଶାସନ । ପ୍ରଭାବିତ ଦୋକାନୀଙ୍କୁ ପ୍ରଶାସନ ତରଫରୁ ୨୫୦୦ ଟଙ୍କା ସହାୟତା ମିଳିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି । ଝାରସୁଗୁଡା ଜ଼ିଲ୍ଲାରେ କରୋନା ସଂଖ୍ୟା ଦିନକୁ ଦିନ ବୃଦ୍ଧି ପାଉ ଥିବାରୁ ବେହେରାମାଲ, ସରବାହାଲ, ପୁରୁଣାବସ୍ତି ଏବଂ ଏକାତାଲି ଅଂଚଳକୁ ସମ୍ପୂର୍ଣ୍ଣ ଭାବେ ସିଲ କରାଯାଇଛି l ନିୟମ ନ ମାନିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ଦେଇଛି ଜିଲ୍ଲା ପ୍ରଶାସନ l