ରାଷ୍ଟ୍ରପତିଙ୍କୁ ଭେଟିବେ ବିରୋଧୀ, କୃଷି ବିଲରେ ଦସ୍ତଖତ ନକରି ରାଜ୍ୟସଭା ଫେରାଇବାକୁ କରିବେ ଦାବି

ନୂଆଦିଲ୍ଲୀ: କୃଷି ବିଲକୁ ସଂସଦରୁ ସଡ଼କ ସବୁଠି ବିରୋଧ ଜାରି ରହିଛି । ବିପକ୍ଷ ଦଳ ବିଲ୍ ବିରୋଧରେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିବାକୁ ସମୟ ମାଗିଛନ୍ତି । ରାଷ୍ଟ୍ରପତି ୨ଟି ଯାକ କୃଷି ବିଲରେ ଦସ୍ତଖତ ନକରି ରାଜ୍ୟସଭା ପଠାଇଦେବାକୁ ବିରୋଧୀ ପକ୍ଷରୁ ଅପିଲ୍ କରାଯିବ ।

ରାଷ୍ଟ୍ରପତିଙ୍କୁ ଭେଟିବା ବେଳେ ବିରୋଧୀ ରବିବାର ରାଜ୍ୟସଭାରେ କଣ ହୋଇଥିଲା । ସେ ବିଷୟରେ ପୂରା ତଥ୍ୟ ଦେବେ । ରବିବାର ବିରୋଧୀଙ୍କ ହଙ୍ଗାମା ବେଳେ ରାଜ୍ୟସଭାରେ ଧ୍ୱନିମତରେ ୨ଟି କୃଷି ବିଲକୁ ପାରିତ କରାଯାଇଥିଲା । ବିରୋଧୀ ଦଳ ରାଷ୍ଟ୍ରପତିଙ୍କୁ ଭେଟିବା ବେଳେ ରାଜ୍ୟସଭାରୁ ନିଲମ୍ବିତ ହୋଇଥିବା ୮ ସାଂସଦଙ୍କ ପ୍ରସଙ୍ଗ ମଧ୍ୟ ଉଠାଇବେ । ଏଥିସହ ପ୍ରସଙ୍ଗକୁ ଆସନ୍ତାକାଲି ବିରୋଧୀ ପୁଣି ରାଜ୍ୟସଭାରେ ଉଠାଇବେ ।

କୃଷି ବିଲକୁ ନେଇ ଦେଶରେ ବିରୋଧ ଲାଗି ରହିଛି । ରବିବାର ବିରୋଧୀଙ୍କ ହୋହଲ୍ଲା ଭିତରେ ବିଲ୍ ପାରିତ ହୋଇଥିଲା । ଏହି ସମୟରେ ସଂସଦରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା । ବିରୋଧୀ ଦଳର କିଛି ସାଂସଦ ଉପସଭାପତିଙ୍କ ଚେୟାରରେ ରଖାଯାଇଥିବା କାଗଜ ଚିରିବା ସହ ମାଇକ୍ ମଧ୍ୟ ଭାଙ୍ଗି ଦେଇଥିଲେ ।

ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରି ସୋମବାର ରାଜ୍ୟସଭା ଅଧ୍ୟକ୍ଷ ଭେଙ୍କିୟା ନାଇଡୁ ୮ ଜଣ ସାଂସଦଙ୍କୁ ଅଧିବେଶନରୁ ନିଲମ୍ବିତ କରିଥିଲେ । ଏଥିରେ ସଂଜୟ ସିଂହ, ଡେରେକ ଓବ୍ରାୟନଙ୍କ ଅନ୍ୟ ସାଂସଦ ରହିଛନ୍ତି । ନିଲମ୍ବିତ ସାଂସଦମାନେ ସୋମବାର ସକାଳେ ଧାରଣାରେ ବସିଥିଲେ । ପ୍ରଥମେ ଧାରଣା ସଂସଦ ଭିତରେ ଦିଆଯାଇଥିବା ବେଳେ ଏବେ ପରିସରରେ ଦେଇଛନ୍ତି ।

#WATCH Yesterday, two farm bills were passed in Parliament. I congratulate my farmers. This change in farming sector is the need of the present hour & our govt has brought this reform for farmers. I want to make it clear that these Bills is not against agriculture mandis: PM Modi pic.twitter.com/3GrtOYfXUw

— ANI (@ANI) September 21, 2020

କୃଷକ ବିଲକୁ ନେଇ ସରକାର ଓ ବିରୋଧୀ ମୁହାଁମୁହିଁ ହୋଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ସମ୍ବୋଧନ କରିବା ବେଳେ ବିରୋଧୀଙ୍କୁ ଜବାବ ଦେଇଛନ୍ତି । କୃଷକଙ୍କୁ ଭ୍ରମିତ କରାଯାଉଥିବା ନେଇ ସେ ଅଭିଯୋଗ କରିଛନ୍ତି । ଆଇନ୍ ଆସିବା ପରେ କୃଷକ ନିଜେ ଅମଲ କରିଥିବା ଫସଲ ବିକ୍ରି କରିବାର ସ୍ୱାଧୀନତା ପାଇବେ, କିନ୍ତୁ ବିପକ୍ଷ କୃଷକଙ୍କ ମିଛ କହୁଛନ୍ତି ।