ସରକାର ଆଣୁଛନ୍ତି ନିଶ୍ଚିତ ପେନସନ ସ୍କିମ,ଜାଣନ୍ତୁ ପୂରା ଖବର

Pension Fund Regulatory and Development Authorityର ଅଧ୍ୟକ୍ଷ ସୁପ୍ରତିମ ବନ୍ଦୋପାଧ୍ୟାୟ କହିଛନ୍ତି କି ପ୍ରାଧିକରଣ ସର୍ବନିମ୍ନ ରିଟର୍ଣ୍ଣ ଗ୍ୟାରେଣ୍ଟି ଥିବା ପେନସନ ଯୋଜନା ଉପସ୍ଥାପନ କରିବାକୁ ପ୍ରସ୍ତୁତି ଜାରି ରହିଛି। ସେ ଏହା ମଧ୍ୟ କହିଛନ୍ତି କି ପେନସନ ପ୍ରାଧିକରଣ ଏହା ବାବଦରେ ପେନସନ ଫଣ୍ଡ୍ ଏବଂ ଆକଚୁରିଆଲ ଫର୍ମ ଗୁଡ଼ିକ ସହିତ ଆଲୋଚନା କରୁଛନ୍ତି । ଏହି ଆଲୋଚନାକୁ ଆଧାର କରି ପ୍ରସ୍ତାବିତ ଯୋଜନାକୁ କାର୍ଯ୍ୟକାରୀ କରାଯିବ । PFRDA  ନିୟମ ଦ୍ୱାରା ଏକ ସର୍ବନିମ୍ନ ସୁନିଶ୍ଚିତ ଫେରସ୍ତ ଯୋଜନା ଆରମ୍ଭ କରିବାକୁ ଅନୁମତି ଅଛି ବୋଲି କହିଛନ୍ତି ସୁପ୍ରତିମ ।
ପେନସନ ଫଣ୍ଡ ଯୋଜନା ଦ୍ୱାରା ପରିଚାଳିତ ଫଣ୍ଡକୁ ମାର୍କ ଟୁ ମାର୍କେଟ କରାଯାଏ । ତେଣୁ ସ୍ୱଭାବିକ ଭାବରେ ଉନ୍ନତି ଅବନତି ଘଟିଥାଏ ଏବଂ ମୂଲ୍ୟାଙ୍କନ ବଜାରର ପରିସ୍ଥିତି ଉପରେ ଆଧାରିତ । ତେଣୁ ଏଭଳି କିଛି ଲୋକ ଥାଇ ପାରନ୍ତି ଯେଉଁମାନେ ସର୍ବନିମ୍ନ ଫେରସ୍ତ ଚାହାଁନ୍ତି । ସର୍ବନିମ୍ନ ଗ୍ୟାରେଣ୍ଟି କେତେ ରହିବ ଯାହା ପେନସନ ଭାବେ ଦିଆଯାଇ ପାରିବ  ତାହ ଉପରେ  PFRDA, ପେନସନ ଫଣ୍ଡ ପ୍ରବନ୍ଧକ ଏବଂ ଆକଚୁରିଆଲ ଫର୍ମ ଗୁଡ଼ିକ ସହିତ ମିଶି କାମ କରୁଛି ।  ଚଳିତ ଆର୍ଥିକ ବର୍ଷରେ ପିଏଫଆରଡିଏ ଏହି ଯୋଜନାକୁ ପେସ କରିବାର ସମ୍ଭାବନା ରହିଛି ।

ସରକାରୀ କର୍ମଚାରୀଙ୍କ ପାଇଁ ଆରମ୍ଭ ହେଲା ଏନପିଏସ

ଏନପିଏସ ଏବଂ ଏପିଓ୍ୱାଇରେ ସବସ୍କ୍ରାଇବର୍ସଙ୍କୁ ପ୍ରତି ମାସରେ ତିନି ମାସ କିମ୍ବା ଛଅ ମାସରେ ଧାର୍ଯ୍ୟ ରାଶି ନିବେଶ କରିବାକୁ ପଡ଼ିଥାଏ । ଏହାପରେ ସବସ୍କ୍ରାଇବର୍ସଙ୍କୁ ଅବସର ପରେ ନିଶ୍ଚିତ ରାଶି ପ୍ରତି ମାସରେ ପେନସନ ଭାବରେ ଦିଆଯାଏ । ଏନପିଏସରେ ୧୮ରୁ ୬୦ ବର୍ଷ ମଧ୍ୟରେ କୌଣସି ନାଗରିକ ସାମିଲ ହୋଇ ପାରିବେ । କେନ୍ଦ୍ର ସରକାର ଏହାକୁ ୧ ଜାନୁୟାରୀ ୨୦୦୪ରେ ଆରମ୍ଭ କରିଥିଲେ । ଏହି ତାରିଖ ପରେ ଜଏନ କରିଥିବା ସମସ୍ତ ସରକାରୀ କର୍ମଚାରୀଙ୍କ ପାଇଁ ଏହି ଯୋଜନା ଜରୁରୀ ଅଟେ । ୨୦୦୯ ମସିହା ପରେ ଏହି ଯୋଜନା ପ୍ରାଇଭେଟ ସେକ୍ଟରରେ କାର୍ଯ୍ୟ କରୁଥିବା କର୍ମଚାରୀଙ୍କ ପାଇଁ ମଧ୍ୟ ଆରମ୍ଭ ହୋଇଥିଲା । ଅବସର ପରେ କର୍ମଚାରୀ ଏନପିଏସର ଗୋଟିଏ ଭାଗ ଉଠାଇ ପାରିବେ ଓ ବଳକା ଭାଗରୁ ଅବସର ପରେ ନିୟମିତ ଆୟ ପାଇଁ ଏନ୍ୟୁଟି ନେଇ ପାରିବେ ।