Corona News-Online classes : ଅନଲାଇନ କ୍ଲାସ ପାଇଁ ୫୦ କି.ମି ପାଦରେ ଚାଲିକି ଯାଉଛନ୍ତି ୨୦୦ ଶିକ୍ଷାର୍ଥୀ
1 min read
ନୂଆଦିଲ୍ଲୀ: କରୋନା ଭୂତାଣୁ ମାହାମରୀ କାରଣରୁ ସମସ୍ତ ଶିକ୍ଷାନୁଷ୍ଠାନ ବନ୍ଦ ଥିବାରୁ ଅନଲାଇନ କ୍ଲାସ କରାଯାଉଛି । ଅନଲାଇନ କ୍ଲାସ ଅତି ସହଜ ହୋଇଥିବା ପରେ ମଧ୍ୟ ଏଥିରୁ ବଞ୍ଚିତ ହେଉଛନ୍ତି କିଛି ଛାତ୍ରଛାତ୍ରୀ । ଶିକ୍ଷାର୍ଥୀଙ୍କ ସହଜରେ ଏହି ସୁଯୋଗ ପାଇପାରୁ ନାହାଁନ୍ତି । କରୋନା ଯୋଗୁଁ ମହାରାଷ୍ଟ୍ରରେ ଇଣ୍ଟରନେଟ କନେକ୍ସନ ପାଇଁ ସମୂଦ୍ରକୂଳବର୍ତ୍ତୀ ଗାଁର ପିଲା ମାନଙ୍କୁ ଅନଲାଇନ କ୍ଲାସ କରିବା ପାଇଁ ପ୍ରତିଦିନ ୨୦୦ ପିଲାଙ୍କୁ ୫୦ କିଲୋମିଟର ରାସ୍ତା ଅତିକ୍ରମ କରି ଯିବାକୁ ପଡ଼ୁଛି । ଏହି ସମସ୍ତ ଶିକ୍ଷାର୍ଥୀ ରତ୍ନଗିରି ଜିଲ୍ଲାର କୂଳବର୍ତ୍ତୀ ଅଞ୍ଚଳର ।
କହିରଖୁଛୁ ପ୍ରଥମେ କରୋନା ମହାମାରୀ ଏବଂ ପରେ ବାତ୍ୟା କାରଣରୁ ଜୁନ ମାସ ଆରମ୍ଭରୁ ପିଲା ମାନଙ୍କୁ ଇଣ୍ଟରନେଟ ସମ୍ବଦ୍ଧୀୟ ସମସ୍ୟାର ସାମ୍ନା କରିବାକୁ ପଡ଼ୁଛି । ପଢାରେ କୌଣସି ପ୍ରକାରର ସମସ୍ୟା ନ ହେଉ ସେଥିପାଇଁ ଛାତ୍ରଛାତ୍ରୀଙ୍କୁ ଲମ୍ବା ରାସ୍ତା ଅତିକ୍ରମ କରିବାକୁ ପଡ଼ୁଛି । ବାତ୍ୟା ଯିବାର ପ୍ରାୟ ଏକ ମାସ ବିତି ଯାଇଥିବା ପରେ ମଧ୍ୟ ସ୍ଥିତି ସୁଧୁରିନି । ଏଭଳି ପରିସ୍ଥିତିରେ ଏକ ପିଲା National Commission for Protection of Child Rightsରେ ପହଞ୍ଚିଛି । ଖୁବଶୀଘ୍ର ଇଣ୍ଟରନେଟ ସମସ୍ୟା ସମାଧାନ ହୋଇଯବି ବୋଲି ସୁନିଶ୍ଚିତ କରିଛନ୍ତି ଆୟୋଗର ଅଧ୍ୟକ୍ଷ ପ୍ରିୟାଙ୍କ କାନୁନଗୋ । ଏଥିପାଇଁ ସେମାନେ ଜିଲ୍ଲା ଅଧିକାରୀ ଏବଂ ସଲ୍ୟୁଲାର କମ୍ପାନୀ ସହିତ ଯୋଗଯୋଗ କରିଛନ୍ତି ।
କରୋନା ମହାମାରୀ ପରିସ୍ଥିତିରେ ପ୍ରାୟ ୨୦୦ ଛାତ୍ର ଅନଲାଇନ କ୍ଲାସ ନେଇପାରୁନଥିବା ଏବଂ ସମସ୍ୟାର ସମ୍ମୁଖୀନ କରୁଥିବା କହିଛନ୍ତି National Commission for Protection of Child Rights ଆୟୋଗ । ଉତ୍ତମ ଇଣ୍ଡରନେଟ ସେବା ପାଇଁ ସେଠାକାର ପିଲା ୫୦ କିଲୋମିଟର ରାସ୍ତା ଅତିକ୍ରମ କରୁଥିବା ମଧ୍ୟ ସେ ଉଲ୍ଲେଖ କରିଛନ୍ତି ।
