ଭେଣ୍ଟିଲେଟରରେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ

ନୂଆଦିଲ୍ଲୀ: ଭେଣ୍ଟିଲେଟରରେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ।  ଆର୍ମୀ ହସପିଟଲରେ ତାଙ୍କ ବ୍ରେନ ସର୍ଜରୀ ପରେ ତାଙ୍କୁ ଭେଣ୍ଟିଲେଟରରେ ରଖାଯାଇଛି । ମସ୍ତିଷ୍କରେ ରକ୍ତ ଜମିଥିବାରୁ ତାଙ୍କର ଅପରେସନ କରାଯାଇଥିଲା । ପରେ ଅବସ୍ଥା ବିଗିଡିବା ଯୋଗୁଁ ତାଙ୍କୁ ଭେଣ୍ଟିଲେଟରରେ ରଖାଯାଇଥିବା ସୂଚନା ମିଳିଛି ।

ଗତକାଲି ସେ ହସପିଟାଲରେ ଭର୍ତ୍ତି ହୋଇଥିଲେ । ପରେ ସେ କରୋନା ପଜିଟିଭ ଥିବା ଟ୍ୱିଟ୍ କରି ଏହି ସୂଚନା ଦେଇଥିଲେ । ପ୍ରଣବ ମୁଖାର୍ଜୀଙ୍କ ବୟସ ବର୍ତ୍ତମାନ ୮୪ ବର୍ଷ । କଂଗ୍ରେସର ଜଣେ ବରିଷ୍ଠ ନେତା ଭାବେ ଦୀର୍ଘ ବର୍ଷ କାର୍ଯ୍ୟ କରିବା ପରେ ୨୦୧୨ରୁ ୨୦୧୭ ମଧ୍ୟରେ ସେ ରାଷ୍ଟ୍ରପତି ଥିଲେ । ୨୦୧୯ରେ କେନ୍ଦ୍ର ସରକାର ପ୍ରଣବ ମୁଖାର୍ଜୀଙ୍କୁ ଭାରତ ରତ୍ନରେ ସମ୍ମାନିତ କରିଥିଲେ ।

On a visit to the hospital for a separate procedure, I have tested positive for COVID19 today.
I request the people who came in contact with me in the last week, to please self isolate and get tested for COVID-19. #CitizenMukherjee

— Pranab Mukherjee Legacy Foundation- PMLF (@CitiznMukherjee) August 10, 2020

ପୂର୍ବତନ ରାଷ୍ଟ୍ରପତିଙ୍କ ସ୍ୱାସ୍ଥ୍ୟ ସମ୍ପର୍କରେ ଜାଣିବା ପାଇଁ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ସୋମବାର ଆର ଏଣ୍ଡ ଆର ହସ୍ପିଟାଲ ପରିଦର୍ଶନ କରିଛନ୍ତି ।

Visited the Army Hospital (R&R) in New Delhi and met the Doctors to enquire about the health of former President Shri Pranab Mukherjee ji. I pray for his well being and speedy recovery.

— Rajnath Singh (मोदी का परिवार) (@rajnathsingh) August 10, 2020

କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଏବଂ ଅନ୍ୟାନ୍ୟ ରାଜନୈତିକ ନେତା ୮୪ ବର୍ଷିୟ ମୁଖାର୍ଜୀଙ୍କ ଆଶୁ ଆରୋଗ୍ୟ କାମନା କରିଥିଲେ। ରାହୁଲ ଗାନ୍ଧୀ ଟୁଇଟ୍ କରି କହିଛନ୍ତି ଯେ, ମୁଁ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଆଶୁ ଆରୋଗ୍ୟ କାମନା କରୁଛି ।

Wishing former President Shri Pranab Mukherjee a speedy recovery.

— Rahul Gandhi (@RahulGandhi) August 10, 2020

କଂଗ୍ରେସ ଏହାର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ କହିଛି ଯେ, କାମନା କରୁଛୁ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ କୋଭିଡରୁ ଶୀଘ୍ର ଆରୋଗ୍ୟ ହୁଅନ୍ତୁ । ପ୍ରଣବ ମୁଖାର୍ଜୀଙ୍କ ପୁଅ ତଥା କଂଗ୍ରେସ ନେତା ଅଭିଜିତ୍ ମୁଖାର୍ଜୀ ଟୁଇଟ୍ କରି କହିଛନ୍ତି, “ମୁଁ ମୋର ପିତାଙ୍କ ଆଶୁ ଆରୋଗ୍ୟ କାମନା କରୁଛି ! ବାପାଙ୍କର ଶୀଘ୍ର ସୁସ୍ଥତା ଏବଂ ଉତ୍ତମ ସ୍ୱାସ୍ଥ୍ୟ ପାଇଁ ପ୍ରାର୍ଥନା କରିବାକୁ ମୋର ସମସ୍ତ ଦେଶବାସୀଙ୍କୁ ନିବେଦନ କରୁଛି ।”

I wish my father a speedy recovery !
I appeal to all my countrymen to pray for his speedy recovery & good health ? https://t.co/jcDxyTRVcR

— Abhijit Mukherjee (@ABHIJIT_LS) August 10, 2020

ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଟୁଇଟ୍ କରି କହିଛନ୍ତି, “ମୁଁ ଜାଣିବାକୁ ପାଇଛି ଯେ ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ କୋଭିଡ୍ -୧୯ ପଜିଟିଭ୍ ଚିହ୍ନଟ ହୋଇଛନ୍ତି । ତାଙ୍କ ସ୍ୱାସ୍ଥ୍ୟ ବିଷୟରେ ମୁଁ ଚିନ୍ତିତ । ତାଙ୍କ ଆଶୁ ଆରୋଗ୍ୟ କାମନା କରନ୍ତୁ।”

I have come to know former President of India Sh. Pranab Mukherjee has tested positive for #Covid_19…concerned about his health. wish him a speedy recovery. @CitiznMukherjee

— Ashok Gehlot (@ashokgehlot51) August 10, 2020

ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଆଶୁ ଆରୋଗ୍ୟ କାମନା କରିଛନ୍ତି । ସେ ଚ୍ୱିଟ କରି କହିଛନ୍ତି ଯେ, ମୁଁ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସ୍ୱାସ୍ଥ୍ୟକୁ ନେଇ ଚିନ୍ତିତ । ତାଙ୍କୁ ଆଶୁ ଆରୋଗ୍ୟ ପାଇଁ ମୁଁ କାମନା କରୁଛି ।

Deeply concerned to know that former President of India @CitiznMukherjee ji tested positive for #COVID19. Wishing him quick recovery and praying for his good health.

— Naveen Patnaik (@Naveen_Odisha) August 10, 2020

ଭାରତର ୧୩ତମ ରାଷ୍ଟ୍ରପତି ଭାବରେ ନିର୍ବାଚିତ ହେବା ପୂର୍ବରୁ ମୁଖାର୍ଜୀ ଜଣେ ବରିଷ୍ଠ କଂଗ୍ରେସ ନେତା ଥିଲେ। ସେ ଜୁଲାଇ ୨୦୧୨ ରୁ ୨୦୧୭ ପର୍ଯ୍ୟନ୍ତ ରାଷ୍ଟ୍ରପତି ଭାବରେ କାର୍ଯ୍ୟ କରିଥିଲେ।