ନୂଆଁଖାଇରେ ସଟ୍ଡାଉନ୍ ହେବ ସମ୍ୱଲପୁର: ଅନ୍ଲାଇନ୍ ଦର୍ଶନ ଦାବି
ସମ୍ୱଲପୁର: ପଶ୍ଚିମ ଓଡିଶାର ଗଣପର୍ବ ନୂଆଖାଇରେ ସମ୍ବଲପୁର ଜିଲ୍ଲା ସଟଡାଉନ ରହିବ । କରୋନା କଟକଣା ଯୋଗୁଁ ଅଧିଷ୍ଠାତ୍ରୀ ମାଁ ସମଲେଇଙ୍କ ମନ୍ଦିର ବନ୍ଦ ରହିଛି । ତେଣୁ ଚଳିତ ବର୍ଷ ଭକ୍ତ ମାନେ ମନ୍ଦିରକୁ ଯାଇ ସମଲେଇଙ୍କୁ ଦର୍ଶନ କରିପାରିବେ ନାହିଁ । ତେଣୁ ଏହାର ବିକଳ୍ପ ବ୍ୟବସ୍ଥା କରିବାକୁ ସାମାଜିକ ସଂଗଠନ ଦାବି କରିଛନ୍ତି ।
ଅଗଷ୍ଟ ମାସ ପ୍ରତି ସପ୍ତାହର ଶନିବାର ଓ ରବିବାର ସଟଡାଉନ. ତେବେ ଚଳିତ ମାସର ୨୩ ତାରିଖ ଅର୍ଥାତ୍ ରଵିବାର ଅନୁଷ୍ଠିତ ହେବ ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ । ହେଲେ ନୂଆଖାଇ ସହ ପଶ୍ଚିମାଞ୍ଚଳ ବାସୀଙ୍କ ଭାବାବେଗ ଜଡିତ ଥିବା ଯୋଗୁଁ ଜିଲ୍ଲାକୁ ସଟଡାଉନ କରାନଯାଇ କରୋନା କଟକଣା ଅନୁସାରେ ପାଳନ କରିବାକୁ ଉତ୍ତରାଞ୍ଚଚଳ ଆରଡିସିଙ୍କୁ ଅନୁରୋଧ କରାଯାଇଛି ।
କରନୋ କଟକଣା ପାଇଁ ଚଳିତ ବର୍ଷ ସମସ୍ତ ମନ୍ଦିର ବନ୍ଦ ରହିଛି । ନୂଆଁଖାଇରେ ବି ଭକ୍ତମାନେ ମନ୍ଦିରକୁ ଯାଇ ମାଆ ସମଲେଇ ଙ୍କୁ ଦର୍ଶନ କରିପାରିବେ ନାହିଁ । ତେଣୁ ଅନଲାଇନ ଜରିଆରେ ଇଷ୍ଟ ଦେବୀଙ୍କ ଦର୍ଶନ ପାଇଁ ବ୍ୟବସ୍ଥା କରିବାକୁ ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ଦାବି ହୋଇଛି. ସେପଟେ ମନ୍ଦିରରେ ଯଥାରୀତି ଅନୁଯାୟୀ ନୂଆଁଖାଇ ପାଳନ ହେବ ବୋଲି କମିଟି ପକ୍ଷରୁ କୁହାଯାଇଛି । ମହାମାରୀ ପାଇଁ ଗଣପର୍ବ ନୂଆଖାଇ ପର୍ବ ପ୍ରଭାବିତ ହେବାର ଆଶଙ୍କା ଦେଖାଦେଇଛି ।
