କଡ଼ା କଟକଣା ପରେ ମଧ୍ୟ ଚେତୁନି ଜିଲ୍ଲା ସ୍ୱାସ୍ଥ୍ୟ ବିଭାଗ, ରାସ୍ତା କଡ଼ରୁ ମିଳୁଛି ପିପିଇ କିଟ୍
ବାଲିଗୁଡ଼ା: ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି । ଏନେଇ ରାଜ୍ୟରେ କୋଭିଡ ନିୟମକୁ କଡ଼ାକଡ଼ି କରାଯାଇଛି । କିନ୍ତୁ ଏଭଳି ସମୟରେ କୋଭିଡ ନିୟମକୁ ଖୋଦ ସ୍ୱାସ୍ଥ୍ୟ ବିଭାଗର କର୍ମଚାରୀ ଭାଙ୍ଗିବାରେ ବ୍ୟସ୍ତ । କେତେବେଳେ ଡାକ୍ତର ବାବୁ ଗଣମାଧ୍ୟ ଉପରକୁ ହାତ ଉଠାଇଲେଣି ତ ପୁଣି କେତେବେଳେ ରାସ୍ତା କଡ଼ରେ ପଡ଼ିଲାଣି ପିପିଇ କିଟ । ପିପିଇ କିଟ୍କୁ ବ୍ୟବହାର ପରେ ନଷ୍ଟ କରିଦେବାକୁ ନିର୍ଦ୍ଦେଶ ଦିଆଯାଇଛି । କିନ୍ତୁ ଏହାକୁ ନଷ୍ଟ ନକରି ରାସ୍ତା କଡ଼ରେ ଫୋପାଡ଼ି ନିଜର କାମକୁ ସାରି ଦେଉଛନ୍ତି ସ୍ୱାସ୍ଥ୍ୟ ବିଭାଗର ମର୍ମଚାରୀ । ଯାହା ରାଜ୍ୟରେ ବାରମ୍ବାର ଦେଖିବାକୁ ମିଳିଛି ।
ବାଲିଗୁଡ଼ାରେ ରାସ୍ତା କଡ଼ରେ ପଡ଼ିଛି ପିପିଇ କିଟ୍ । କନ୍ଧମାଳ ଜିଲ୍ଲା କୋଟଗଡ଼ ନିକଟ ଏକ ରାସ୍ତା କଡ଼ରେ ପିପିଇ କିଟ୍ ପଡ଼ିଥିବା ଦେଖିବାକୁ ମିଳିଛି । ରାସ୍ତା କଡ଼ରେ ପଡ଼ିଥିବା ପିପିଇ କିଟ୍ ଦେଖି ଅଞ୍ଚଳରେ ଲୋକଙ୍କ ମନରେ ଭୟର ବାତାବରଣ ଖେଳିଯାଇଛି । ବର୍ତ୍ତମାନ ସୁଦ୍ଧା ଜିଲ୍ଲାରେ ୫୭୨କରୋନା ପଜିଟିଭ ଚିହ୍ନଟ ହୋଇଥିବା ବେଳେ କେବଳ କୋଟଗଡ଼ ଅଞ୍ଚଳରୁ ୨୦ ଜଣ ସଂକ୍ରମିତ ଥିବା ଜଣାପଡ଼ିଛି । କରୋନା ଭୂତାଣୁ ସଂକ୍ରମଣ ରୋକିବାକୁ ଜିଲ୍ଲା ପ୍ରଶାସନ ପକ୍ଷରୁ ସାରା ଜିଲ୍ଲାକୁ ଆସନ୍ତା ୭ ତାରିଖ ପର୍ଯ୍ୟନ୍ତ ଲକ୍ ଡାଉନ୍ ଘୋଷଣା କରାଯାଇଛି ।
ସେପଟେ ରାଜ୍ୟରେ କୋରୋନା ମୁକାବିଲା ନେଇ ବିଭିନ୍ନ ପଦକ୍ଷେପ ନିଆୟାଉଥିବା ବେଳେ ସର୍ବସାଧାରଣ ସ୍ଥାନରେ ପିପିଇ କିଟ୍ ଫିଙ୍ଗା ଯାଉଥିବା ଘଟଣା ବିଭାଗୀୟ ଅଧିକାରୀଙ୍କ କାର୍ଯ୍ୟ ଶୈଳୀ ଉପରେ ପ୍ରଶ୍ନବାଚୀ ସୃଷ୍ଟି କରିଛି । ସେହିଭଳି ଶଙ୍କରାକଖୋଲ ନକିଟସ୍ଥ ଗୁଡୁରି ଗାଁ ନକିଟକରେ ଏବଂ ଖଜୁରିପଡ଼ା ନକିଟସ୍ଥ ଏକ ପରିତ୍ୟକ୍ତ କୂଅ ପାଖରୁ କୀଟ୍ ମିଳିଥିବା ବେଳେ ।
