ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି । ରାଜ୍ୟରେ ଟେଷ୍ଟ ବଢ଼ିଛି ସେଥିପାଇଁ କରୋନା ସଂକ୍ରମଣଙ୍କ ସଂଖ୍ୟା ମଧ୍ୟ ବଢ଼ିଛି । ତେବେ ଆଗକୁ ଆହୁରି ରାଜ୍ୟରେ ବଢ଼ିବ କରୋନା ପରୀକ୍ଷା । ରାଜ୍ୟରେ ଥିବା ବସ୍ତିରେ କରୋନା ସଂଖ୍ୟା ବଢୁଛି । ତେଣୁ ଏବେ ପରୀକ୍ଷା ବଢାଇବାକୁ ନିଷ୍ପତ୍ତି ହୋଇଛି । ଦୈନିକ ପରୀକ୍ଷା ୧୨ ହଜାରରୁ ୨୦ ହଜାରକୁ ବୃଦ୍ଧି କରାଯିବ ।
ଯାହାଦ୍ୱାରା କରୋନା ସଂଖ୍ୟା ମଧ୍ୟ ବୃଦ୍ଧି ପାଇବ । ୮ ହଜାର ଆର୍ଟିପିସିଆର୍ ଓ ବାକି ଆଣ୍ଟିଜେନ ଓ ଟ୍ରୁନେଟରେ ପରୀକ୍ଷା କରାଯି । ତେବେ ରାଜ୍ୟରେ ବର୍ତ୍ତମାନ ଆଣ୍ଟିଜେନ କିଟ୍ର ଅଭାବ ନାହିଁ। କାରଣ ଏବେ ବହୁତ କମ୍ପାନୀ ଏବେ ଆଣ୍ଟିଜେନ କିଟ୍ ତିଆରି କରୁଛନ୍ତି। ତେଣୁ ୪୫୦ ଟଙ୍କାରୁ ଏହାର ଦାମ ଆରମ୍ଭ ହୋଇପାରେ । ସେପଟେ ଟେଷ୍ଟ ବଢ଼ିବା ଦ୍ୱାରା ଲକଡାଉନ ସମୟରେ ଅଧିକ ରୋଗୀଙ୍କୁ ଚିହ୍ନଟ କରାଯାଇ ସଙ୍ଘରୋଧ କରାଯାଇପାରିଲେ ସ୍ଥିତି ସୁଧୁରିଯିବ ବୋଲି ସୂଚନା ଦେଇଛନ୍ତି ILS ନିର୍ଦ୍ଦେଶକ ଅଜୟ ପରିଡ଼ା ।
ଗଞ୍ଜାମ, ଖୋର୍ଦ୍ଧା, କଟକ ଓ ଯାଜପୁର ଜିଲ୍ଲାରେ ସ୍ଥିତି ସ୍ଥିର ରହିଛି ବୋଳଇ କହିଛନ୍ତି ILS ନିର୍ଦ୍ଦେଶକ । ଏହିପରି ଅଗଷ୍ଟ ମାସରେ କରୋନା ସଂକ୍ରଣମ କମିବ ବୋଲି ଆଶା ରହିଛି । ରାଜ୍ୟରେ ଲୋକାଲ ଟାନ୍ସମିସନ ହୋଇନାହିଁ ବୋଲି ଇନ୍ଷ୍ଟିଚ୍ୟୁଟ୍ ଅଫ ଲାଇଫ୍ ସାଇନ୍ସେ -ILS ନିର୍ଦ୍ଦେଶକ ଅଜୟ ପରିଡ଼ା ସୂଚନା ଦେଇଛନ୍ତି । ରାଜ୍ୟ ସରକାର ଚାହିଁଲେ, ଘରୋଇ ଲାବୋରେଟ୍ରିରେ ପରୀକ୍ଷା ହୋଇପାରିବ ବୋଲି ସେ କହିଛନ୍ତି । ଆଜି ସନ୍ଧ୍ୟାରେ ମୁଖ୍ୟ ଶାସନ ସଚିବ ଆଗାମୀ ସ୍ଥିତି ସମ୍ପର୍କରେ କହିବେ ବୋଲି -ILS ନିର୍ଦ୍ଦେଶକ କହିଛନ୍ତି ।
