ଏମିତି କଣ ହୋଇଥିଲା ଦୀପାଙ୍କ ଜୀବନରେ ଯେଉଁଥିପାଇଁ ସେ ଛାଡ଼ିଥିଲେ ଆଲବମ୍ ଦୁନିଆ
ଭୁବନେଶ୍ୱର: ପରପାରିରେ ଏବେ ଆଲବମ୍ କୁଇନ ଦୀପା ସାହୁ । ହଠାତ ଓଲିଉଡ଼ରେ ଏଣ୍ଟ୍ରି କରି ମଚାଇଥିଲେ ଧୁମ । ସେହିଭଳି ହଠାତ ବି ସେ ଓଲିଉଡ଼ ଦୁନିଆକୁ ଛାଡ଼ି ଚାଲିଯାଇଥିଲେ । କିନ୍ତୁ ଆପଣ କଣ କେବେ ଭାବିଛନ୍ତି କି, ଯିଏ ୯୦ ଦଶକରେ ଆଧୁନିକ ଗୀତରେ ସମସ୍ତଙ୍କ ମନରେ ରାଜ କରୁଥିଲେ ସେ ହଠାତ ଏମିତି କାହିଁକି ଛାଡ଼ି ଚାଲିଗଲେ । ତାଙ୍କ ପାଇଁ ତ ଅନେକ ସୁଯୋଗ ରହିଥିଲା । ତେବେ କାହିଁ ସେ ଆଉ ଆକ୍ଟିଂ ଦୁନିଆରେ ତାଙ୍କର ପାଦ ଥାପି ନଥିଲେ । ଆମେ ଆପଣଙ୍କୁ କହିବୁ କାହିଁ କି ସେ ଓଲିଉଡ଼ ଦୁନିଆକୁ କହିଥିଲେ ଅଲବିଦା ।
ଦୀପା ତାଙ୍କ ପରିବାରରେ ସବୁଠାରୁ ବଡ଼ ଥିଲେ । ପ୍ରତି ସମୟରେ ଦୀପା ତାଙ୍କ ପରିବାର ସହିତ ଯୋଡ଼ି ହୋଇ ରହୁଥିଲେ । କିନ୍ତୁ ଦୀପା ଯେବେ ଆକ୍ଟିଂ ଲାଇନକୁ ଆସିଲେ ସେବେ ଠାରୁ ପରିବାର ଠାରୁ ଅଲଗା ହୋଇଯାଇଥିଲେ । ନିଜ ଆକ୍ଟିଂ ଲାଇନରେ ଏତେ ବ୍ୟସ୍ତ ଥିଲେ ଯେ ନିଜ ପରିବରକୁ ମଧ୍ୟ ଠିକ୍ ଭାବେ ସମୟ ଦେଇପାରୁ ନଥିଲେ । କିଛି ବର୍ଷର ଏଭଳି ବ୍ୟସ୍ତତା ଭିତରେ ଦୀପାଙ୍କ ମାଆଙ୍କ ଦେହ ଖରାପ ହୋଇଥିଲା । ତାଙ୍କ ମାଆଙ୍କର ବହୁ ଟେଷ୍ଟ ପରେ ଜଣା ପଡ଼ିଥିଲା ତାଙ୍କୁ କ୍ୟାନସର ହୋଇଛି ।
ଏଥିଲା ଦୀପାଙ୍କ କ୍ୟାରିୟରରେ ସବୁଠାରୁ ବଡ଼ ଟର୍ଣ୍ଣିଂ ପଏଣ୍ଟ । ଏହା ପରେ ଓଲିଉଡ କୁଇନ ତାଙ୍କ ମାଆଙ୍କ ପାଖରେ ଅଧି ସମୟ ଦେଉଥିଲେ । ଯେଉଁଥିପାଇଁ ସେ ଧିରେ ଧିରେ ଆଲବମ୍ ଦୁନିଆରୁ ଅଲଗା ହେବାରେ ଲାଗିଥିଲେ । କିଛି ଦିନ ପରେ ଦୀପା ତାଙ୍କର ମାଆଙ୍କୁ ହରାଇଥିଲେ । ଏହାପରେ ଦୀପାଙ୍କ ବାହାଘର ୨୦୦୭ ରେ ହୋଇଯାଇଥିଲା । ବାହାଘରର କିଛି ଦିନ ପରେ ତାଙ୍କର ଏକ ଝିଅ ମଧ୍ୟ ହୋଇଥିଲା ଓ ଏହା ପରେ ସେ ସମ୍ପୁର୍ଣ୍ଣ ବ୍ୟସ୍ତ ରହିଥିଲେ ନିଜ ପରିବାର ଭିତରେ । କିନ୍ତୁ ସେ ବେଳେବେଳେ ପୁଣି ଲେଉଟିବାକୁ ଚାହୁଁଥିଲେ ଅଭିନୟର ଜଗତକୁ । ପୁଣି ଧୁମ ମଚାଇବାକୁ ଚାହୁଁଥିଲେ ଆଧୁନିକ ଜଗତରେ । ହେଲେ କ୍ୟାନସର ସବୁ କଳ୍ପନା ଉପରେ ବିରାମ ଚିହ୍ନ ଲଗାଇଥିଲା ।
