ସୁଶାନ୍ତ ତାଙ୍କ ଭଉଣୀଙ୍କ ପାଇଁ ଲେଖିଥିଲେ ଏକ ବିଶେଷ ନୋଟ୍, ସୋସିଆଲ ମିଡିଆରେ ହେଲା ଭାଇରାଲ

ନୂଆଦିଲ୍ଲୀ: ସୁଶାନ୍ତଙ୍କ ମୃତ୍ୟୁକୁ ନେଇ ଏବେ ବି ବିଶ୍ୱାସ କରିପାରୁ ନାହାନ୍ତି ତାଙ୍କ ଫ୍ୟାନ୍‌ । ପ୍ରଶଂସକଙ୍କ ପରି ସୁଶାନ୍ତଙ୍କ ପରିବାର ମଧ୍ୟ ବହୁତ ଦୁଃଖରେ ଦିନ କାଟୁଛନ୍ତି । ସୁଶାନ୍ତଙ୍କ ଭଉଣୀ ଶ୍ୱେତା ସିଂ କିର୍ତ୍ତୀ ଆମେରିକାରେ ରୁହନ୍ତି । ଏବଂ ଶ୍ୱେତା ସୁଶାନ୍ତଙ୍କ ୟାଦରେ ତାଙ୍କ ଭାଇଙ୍କ ସହ ଜଡିତ ଥିବା ଅନେକ ପୋଷ୍ଟ ଏବେ ସୋସିଆଲ ମିଡିଆରେ ସେୟାର କରୁଛନ୍ତି । ନିକଟରେ ସେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଛନ୍ତି ଯେଉଁଥିରେ ସୁଶାନ୍ତଙ୍କ ହାତଲେଖା ଦେଖିବାକୁ ମିଳିଛି । ଏହି ନୋଟ୍ ସାହାଯ୍ୟରେ ସୁଶାନ୍ତ ତାଙ୍କ ଭଉଣୀଙ୍କୁ ମୋଟିଭେଟ କରିବାକୁ ଚେଷ୍ଟା କରିଛନ୍ତି।

କିଛି ଦିନ ପୂର୍ବରୁ ସୁଶାନ୍ତ ତାଙ୍କ ଭଉଣୀକୁ ଏହି କାର୍ଡ ଦେଇଥିଲେ । ଏହି କାର୍ଡରେ ଏକ ପ୍ରେରଣାଦାୟକ ବାର୍ତ୍ତା ଦେଖିବାକୁ ମିଳେ । ଏହା ବ୍ୟତୀତ ଶ୍ୱେତା ଅନ୍ୟ ଏକ ପୋଷ୍ଟ ସେୟାର କରିଥିଲେ ଯେଉଁଥିରେ ସେ ସୁଶାନ୍ତଙ୍କ ବିଷୟରେ ତାଙ୍କ ପୁଅଙ୍କ ସହ ବାର୍ତ୍ତାଳାପ ବାଣ୍ଟିଥିଲେ । ଏବଂ ସେ ପ୍ରଶଂସକମାନଙ୍କୁ ଏକ ବାର୍ତ୍ତା ମଧ୍ୟ ଦେଇଥିଲେ ଯେ ସମସ୍ତେ ଶକ୍ତିଶାଳୀ ହେବା ଆବଶ୍ୟକ । ସେ ଲେଖିଛନ୍ତି, ଯେତେବେଳେ ମୁଁ ମୋ ପୁଅ ନିର୍ବାଣଙ୍କୁ କହିଲି ଯେ ମାମୁଁ ଆଉ ନାହାଁନ୍ତି, ସେ ମୋତେ କହିଥିଲେ ଯେ ସେ ତୁମ ହୃଦୟରେ ଜୀବିତ ଅଛନ୍ତି ।

https://www.instagram.com/team_sushant_singh_rajput/?utm_source=ig_embed