ଓଡ଼ିଶାରେ ୮୦ ଟଙ୍କା ଡେଇଁଲା ପେଟ୍ରୋଲ ଦର,ନୂଆପଡାରେ ସର୍ବାଧିକ ୮୨ ଟଙ୍କା
ଭୁବନେଶ୍ୱର: ଗ୍ରାହକଙ୍କୁ ମହଙ୍ଗା ମାଡ଼ । କରୋନା ଭଳି ବୋଲ ମାନୁନି ତୈଳ ଦର । ଦିନକୁ ଦିନ ଆକାଶ ଛୁଆଁ ହେଉଛି ପେଟ୍ରୋଲ ଡିଜେଲ ଦର । ଲଗାତାର ୧୬ ଦିନରେ ବଢିଛି ତେଲ ଦର । ଆଜି ପେଟ୍ରୋଲ୍ ଦର ଲିଟର ପିଛା ୩୩ ପଇସା ଓ ଡିଜେଲ ଦର ଲିଟର ପିଛା ୫୮ ପଇସା ବୃଦ୍ଧି ହୋଇଛି । ପେଟ୍ରୋଲ ଦର ବର୍ତ୍ତମାନ ୭୯.୫୬ ପଇସାରେ ପହଞ୍ଚିଛି । ଅପରପକ୍ଷରେ ଡିଜେଲ ଦର ୭୮.୮୫ଟଙ୍କାରେ ପହଞ୍ଚିଛି ।
ଲକଡାଉନ ଯୋଗୁଁ ଲୋକେ ଆର୍ଥିକ ସଙ୍କଟ ଦେଇ ଗତିକରୁଥିବା ବେଳେ କେନ୍ଦ୍ରର ଗ୍ରାହକ ମାରଣନୀତିକୁ ନିନ୍ଦା କରାଯାଇଛି। ଗତ ଜୁନ ୬ରେ ପେଟ୍ରୋଲ ଦର ଥିଲା ୭୧ ଟଙ୍କା ୭୨ ପଇସା ଥିବା ବେଳେ ଆଜି ପାଖାପାଖି ୮ଟଙ୍କା ବୃଦ୍ଧି ପାଇଛି । ଡିଜେଲ ଦର ମଧ୍ୟ ଗତ୬ ତାରିଖରେ ୬୭ ଟଙ୍କା ୭୩ ପଇସା ଥିବା ବେଳେ ବର୍ତ୍ତମାନ ସୁଧା ପାଖାପାଖି ୧୧ଟଙ୍କା ବୃଦ୍ଧି ପାଇଛି । ୭ ତାରିଖରୁ ଲଗାତାର ଭାବେ ତେଲ ଦର ବୃଦ୍ଧି ଏବେ ଗ୍ରାହକଙ୍କୁ ଚିନ୍ତାରେ ପକାଇଛି ।
| ସ୍ଥାନ | ପେଟ୍ରୋଲ ଦର | ଡିଜେଲ ଦର |
| ଭୁବନେଶ୍ୱର | ୮୦.୧୩ | ୭୭.୦୪ |
| କଟକ | ୮୦.୦୨ | |
| ନୂଆପଡ଼ା | ୮୨.୦୨ | ୭୮.୬୩ |
ଲକଡାଉନ ପାଇଁ ସବୁ ପ୍ରକାର କାର୍ଯ୍ୟକଳାପ ଉପରେ ରୋକ ଲାଗିଥିବା ବେଳେ ଲୋକଙ୍କ ବେଉସା ଏକ ପ୍ରକାର ଲୋପ ପାଇଛି । ଏଭଳି ସ୍ଥିତିରେ ବିଭିନ୍ନ ପ୍ରକାର ଦ୍ରବ୍ୟ ପରିବହନ ଯଥା ପେଟ୍ରୋଲ ଏବଂ ଡିଜେଲ ଦର ବୃଦ୍ଧି ଗ୍ରାହକଙ୍କୁ ଚିନ୍ତାରେ ପକାଇଛି । ତେବେ ରାଜ୍ୟରେ ସର୍ବାଧିକ ପେଟ୍ରୋଲ ଦର ନୂଆପଡ଼ାରେ ବଢିଥିବା ସୂଚନା ମିଳିଛି ।
କ’ଣ ପାଇଁ ବଢୁଛି ପେଟ୍ରୋଲ ଦର?
ସୂଚନାଯୋଗ୍ୟ ଯେ,ଅନ୍ତର୍ଜାତୀୟ ତୈଳ ବଜାରରେ ଅଶୋଧିତ ତୈଳ ମୂଲ୍ୟ ହ୍ରାସ ପାଇଥିଲା। କିନ୍ତୁ ଭାରତରେ ଏହାର କୌଣସି ଲାଭ ସାଧାରଣ ଗ୍ରାହକ ଏହାର ଲାଭ ପାଇନଥିଲେ । ଯେତେବେଳେ ଅଶୋଧିତ ତୈଳମୂଲ୍ୟ ବହୁତ କମ ଥିଲା,ସେତେବେଳେ ସରକାର କର ବଢାଇ ଦେଇଥିଲେ । ଏହାଦ୍ୱାର ପେଟ୍ରୋଲିୟମ କଂପାନୀଙ୍କୁ କିଛି ମଧ୍ୟ ଲାଭ ମିଳିନଥିଲା । ଏବେ ଗୋଟିଏ ମାସ ମଧ୍ୟରେ ଅଶୋଧିତ ତୈଳଦର ଦୁଇଗୁଣ ବଢିଛି । ତେଣୁ ପେଟ୍ରୋଲିୟମ କଂପାନୀ ନିଜ ଫାଇଦ ପାଇଁ ଦର କ୍ରମାଗତ ଭାବେ ବଢାଇ ଚାଲିଛନ୍ତି ।
