ପ୍ରବାସୀ ଓଡ଼ିଆଙ୍କୁ ଫେରାଇ ଆଣୁଛନ୍ତି ଓଡ଼ିଆ ପାଇଲଟ: ଆକାଶରେ ଗୁଞ୍ଜରିତ ହେଲା ଜୟ ଜଗନ୍ନାଥ

ଆପଣମାନଙ୍କୁ ସମସ୍ତଙ୍କୁ ରଜର ଅଭିନନ୍ଦନ । ମୁଁ କ୍ୟାପଟେନ୍‌ ମଧୁସ୍ମିତା ଆପଣମାନଙ୍କୁ AIRARABIA ଫ୍ଳାଇଟରେ ସ୍ୱାଗତ କରୁଛି । ମୋର ସୌଭାଗ୍ୟ ଆଜି ଭଳିଆ ଶୁଭଦିନରେ ଆପଣମାନଙ୍କୁ ଆପଣଙ୍କ ପରିବାର ଲୋକଙ୍କ ନିକଟକୁ ଉଡ଼େଇ ନେବାର ଦାୟିତ୍ୱ ଦିଆଯାଇଛି … ଜୟ ଜଗନ୍ନାଥ..

ୟୁଏଇରୁ ପ୍ରବାସୀ ଓଡ଼ିଆଙ୍କୁ ନେଇ ଆସୁଥିବା ସ୍ୱତନ୍ତ୍ର ବିମାନରେ କିଛି ଏଭଳି ଶୁଣିବାକୁ ମିଳିଥିଲା । ଆଉ ଘୋଷଣା କରୁଥିବା ପାଇଲଟ୍‌ ଜଣଙ୍କ ବି ଓଡ଼ିଆ ହୋଇଥିବା ବେଳେ ସେ ଘୋଷଣା ମଧ୍ୟ ଓଡ଼ିଆାରେ କରିଥିଲା । ଏହା ଶୁଣି ଫ୍ଳାଇଟରେ ବସିଥିବା ଯାତ୍ରୀ ଅଧିକ ଆଶ୍ୱସ୍ତ ଓ ଖୁସି ଅନୁଭବ କରିଥିଲେ । ସେମାନେ ମଧ୍ୟ ଏକ ସ୍ୱରରେ ଜୟ ଜଗନ୍ନାଥ କହିଥିଲେ । ତେବେ ପ୍ରଥମ ଥର ପାଇଁ କୌଣସି ଅନ୍ତର୍ଜାତୀୟ ଫ୍ଳାଇଟରେ ଏଭଳି ଓଡ଼ିଆରେ ଘୋଷଣା ହୋଇଥିବା ଶୁଣିବାକୁ ମିଳିଛି ।

ସୂଚନା ଯୋଗ୍ୟ ଯେ, ଏହି ସ୍ୱତନ୍ତ୍ର ଚାର୍ଟଡ ବିମାନଟି ୟୁଏଇରେ ଫସିରହିଥିବା ୨୧୫ ଓଡ଼ିଆଙ୍କୁ ନେଇ ଓଡ଼ିଶା ଆସୁଛି । ୟୁଏଇସ୍ଥିତ ଭାରତୀୟ ଦୂତାବାସ, ଓଡ଼ିଆ ସୋସାଇଟି ଓ  ୟୁଏଇ ସରକାରଙ୍କ ସହାୟତାରେ ସେମାନଙ୍କ ପାଇଁ ଏହି ଚାର୍ଟଡ ବିମାନର ବ୍ୟବସ୍ଥା କରାଯାଇଛି ।

Odia lady pilot #Madhusmita_Patnaik taking 217 passengers to #BBSR from #UAE.#NandighoshaTV pic.twitter.com/TiKIKbTmdL

— NandighoshaTV (@NandighoshaTV) June 14, 2020