କରୋନା ଚିକିତ୍ସା ନିମନ୍ତେ ଏହି ଔଷଧକୁ ମିଳିଲା ମଞ୍ଜୁରୀ
ନୂଆଦିଲ୍ଲୀ: କରୋନା ଭାଇସର ଚିକିତ୍ସାରେ ବ୍ୟବହୃତ ହେଉଥିବା ଆଣ୍ଟି ଭାଇରସ ମେଡିସିନ ରେମଡିସିଭିରର ମାଙ୍କଡ଼ମାନଙ୍କ ଉପରେ ଭଲ ପ୍ରଭାବ ଦେଖିବାକୁ ମିଳୁଛି । ନୂଆ ରିସର୍ଚ୍ଚ ତଥ୍ୟ ଅନୁସାରେ ଏହି ଔଷଧ ମାଙ୍କଡ଼ମାନଙ୍କ ଫୁସଫୁସ ଜନିତ ସମସ୍ୟାକୁ ରୋକିଥାଏ ।
ଏପ୍ରିଲ ମାସରେ ୟୁଏସ୍ ନ୍ୟାସନାଲ ଇନ୍ଷ୍ଟିଚ୍ୟୁଟ୍ ଅଫ୍ ହେଲ୍ଥ ପକ୍ଷରୁ ଏସମ୍ପର୍କରେ ଉଲ୍ଲେଖ ରହିଛି । ଯାହା ଏକ ପ୍ରତିଷ୍ଠିତ ମ୍ୟାଗାଜନି ପ୍ରକାଶିତ । ଜୁନ୍ ପହିଲା ରେମଡିସିଭିର ବ୍ୟବହାରକୁ ଡ୍ରଗ କଣ୍ଟ୍ରୋଲର ଜନରଲ ଅଫ୍ ଇଣ୍ଡିଆ ପକ୍ଷରୁ ମଞ୍ଜୁରୀ ଦିଆଯାଇଛି । ଗୁରୁତରଭାବେ ଅସୁସ୍ଥ କରୋନା ରୋଗୀଙ୍କୁ ଡାକ୍ତରଙ୍କ ପକ୍ଷରୁ ଏହି ଔଷଧ ଦିଆଯାଉଛି ।
ଅଧ୍ୟୟନ ଅନୁଯାୟୀ ଯେଉଁ ମାଙ୍କଡ଼ମାନଙ୍କୁ ଏହି ରେମଡିସିଭିର ଔଷଧ ଦିଆଯାଇଛି ସେମାନଙ୍କ ଠାରେ ଶ୍ୱାସ ରୋଗର ଲକ୍ଷଣ ଦେଖାଯାଇନି । ଏହି ଔଷଧ ଫୁସ୍ଫୁସରେ ହୋଇଥିବା କ୍ଷତି ଭରିଥାଏ । ଅଧ୍ୟୟନ ଅନୁଯାୟୀ ରେମଡିସିଭିର ଉପଚାର ଦ୍ୱାରା ଭାଇରସ ଦ୍ୱାରା ଫୁସଫୁସ୍ରେ ହେଇଥିବା କ୍ଷତି ଭରିଥାଏ ।
ଆମେରିକା, ଭାରତ ଓ ଦକ୍ଷିଣ କୋରିଆରେ କରୋନା ଭାଇରସ ଗମ୍ଭୀରଭାବେ ଅସୁସ୍ଥ ରୋଗୀଙ୍କୁ ଏହି ଔଷଧ ଦିଆଯାଏ । କିଛି ୟୁରୋପିଓ ଦେଶମାନଙ୍କରେ ମଧ୍ୟ ଏହି ଔଷଧ ବ୍ୟବହାର କରାଯାଏ ।
