କେଜ୍ରିୱାଲଙ୍କୁ ହୋଇନି କରୋନା,ଟେଷ୍ଟ୍ ରିପୋର୍ଟ ନେଗେଟିଭ୍

ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ପାଇଁ ଆଶ୍ୱସ୍ତିକର ଖବର ଆଣିଛି ଟେଷ୍ଟ୍ ରିପୋର୍ଟ । ଗଳା ଯନ୍ତ୍ରଣା ଓ ଜ୍ୱର ପାଇଁ କେଜ୍ରିୱାଲଙ୍କ ସ୍ୱାବ୍ ଟେଷ୍ଟ କରାଯାଇଥିଲା । ଯାହାର ରିପୋର୍ଟ ନେଗେଟିଭ୍ ଆସିଛି । ରବିବାର ଦିନ କେଜ୍ରିୱାଲଙ୍କ ଦେହ ଖରାପ ହେବା ପରେ ସେ ହୋମ୍ ଆଇସୋଲେସନରେ ରହିଥିଲେ । ଏହାପରେ ସୋମବାର ଦିନ ତାଙ୍କ ସ୍ୱାବ୍ ଟେଷ୍ଟ୍ ପାଇଁ ଯାଇଥିଲା । ରବିବାରଠାରୁ ସେ କୌଣସି ମିଟିଂରେ ଭାଗ ନେଉନଥିଲେ ।

ଅରବିନ୍ଦ କେଜ୍ରିୱାଲଙ୍କ ଟେଷ୍ଟ୍ ରିପୋର୍ଟ ନେଗେଟିଭ୍ ଆସିବା ବାବଦରେ ଆପ୍ ମୁଖପାତ୍ର ରାଘବ ଚଢ଼ା ସୂଚନା ଦେଇଛନ୍ତି ।

Delhi Chief Minister Arvind Kejriwal tests negative for #COVID19 pic.twitter.com/mVeSpEcMtO

— ANI (@ANI) June 9, 2020

ଦିଲ୍ଲୀ ହସ୍ପିଟାଲରେ କିଏ ଚିକିତ୍ସିତ ହେବ ତାହାକୁ ନେଇ ଉପରାଜ୍ୟପାଳ ଓ ଦିଲ୍ଲୀ ସରକାରଙ୍କ ମଧ୍ୟରେ ରାଜନୈତିକ ବଳ କଷାକଷି ଚାଲିଥିବା ବେଳେ କେଜ୍ରିୱାଲ ଆଇସୋଲେସନରେ ଥିଲେ । ତାଙ୍କ ସ୍ଥାନରେ ଉପ ମୁଖ୍ୟମନ୍ତ୍ରୀ ମନିଶ ଶିଶୋଦିଆ ବିଭିନ୍ନ ବୈଠକରେ ଭାଗ ନେଉଥିଲେ ।