ପ୍ରବାସୀଙ୍କ ସେବାରେ ‘ଓଡ଼ିଶା ମୋ ପରିବାର’ ଆବାହକ ଅରୁପ..

ନବରଙ୍ଗପୁର: ପ୍ରବାସୀଙ୍କ ସେବାରେ ଲାଗି ପଡ଼ିଛନ୍ତି ‘ଓଡ଼ିଶା ମୋ ପରିବାର’ ଆବାହକ ଅରୁପ ପଟ୍ଟନାୟକ । ଶୁକ୍ରବାର କୋରୋପୁଟ ଅଞ୍ଚଳରେ ପହଞ୍ଚି ପ୍ରବାସୀ ଓଡ଼ିଆ ଶ୍ରମିକଙ୍କୁ ଆତିଥ୍ୟ ପ୍ରଦାନ କରିଥିବା ବେଳେ ଆଜି ନବରଙ୍ଗପୁରରେ ପହଞ୍ଚି ପ୍ରବାସୀ ଓଡ଼ିଆଙ୍କ ଦୁଃଖ ବୁଝିଛନ୍ତି । ବାହାର ରାଜ୍ୟରୁ ଆସୁଥିବା ପ୍ରବାସୀଙ୍କ ନିକଟରେ ପହଞ୍ଚି ସେମାନଙ୍କୁ ଖାଦ୍ୟ ବଣ୍ଟନ କରିବା ସହ ସେମାନଙ୍କର ଯାତାୟତ ସମସ୍ୟାର ସମାଧାନରେ ଲାଗିଛନ୍ତି ଅରୁପ ।

ପ୍ରବାସୀ ଶ୍ରମିକମାନେ ଯେପରି କୌଣସି ପ୍ରକାର ଅସୁବିଧାରେ ନପଡ଼ିବେ ସେନେଇ ଅରୁପ ବିଶେଷ ଧ୍ୟାନ ଦେଇଛନ୍ତି । ଅନ୍ୟପଟେ କୌଣସି ଶ୍ରମିକ ଯେପରି ଚାଲିକି ନଯିବେ କିମ୍ବା ଭୋକିଲା ନରହିବେ, ସେନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁତ୍ୱ ଦେଉଛନ୍ତି । ତେବେ ଅରୁପଙ୍କ ସହ ଏହି ଅବସରରେ ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ, ବିଧାୟକ ମନୋହର ରନ୍ଧାରୀ ପ୍ରମୁଖ ଉପସ୍ଥିତ ଥିଲେ ।