ପ୍ରବାସୀଙ୍କ ଟ୍ରେନ୍ ଖର୍ଚ୍ଚ ବହନ କରିବେ ରାଜ୍ୟ ସରକାର
ଭୁବନେଶ୍ୱର: ପ୍ରବାସୀଙ୍କ ଟ୍ରେନ୍ ଖର୍ଚ୍ଚ ବହନ କରିବେ ରାଜ୍ୟ ସରକାର । ଲକ୍ଡାଉନ୍ ପାଇଁ ବିଭିନ୍ନ ରାଜ୍ୟରେ ଫସିଥିବା ପ୍ରବାସୀଙ୍କ ଘର ବାହୁଡା ଜାରି ରହିଛି । ଏଥିପାଇଁ ଦେଶରେ ସ୍ୱତନ୍ତ୍ର ଶ୍ରମିକ ଟ୍ରେନ୍ ଚଳାଚଳ କରୁଛି । ଏହି ସବୁ ଟ୍ରେନ୍ରେ ଶ୍ରମିକ ନିଜ ଖର୍ଚ୍ଚରେ ଫେରୁଛନ୍ତି । ଶ୍ରମିକଙ୍କ ଏହି ଖର୍ଚ୍ଚ ବହନ କରିବାକୁ ପ୍ରସ୍ତୁତ ଅଛନ୍ତି ରାଜ୍ୟ ସରକାର ।
ଯଦି ପ୍ରବାସୀ ଫେରୁଥିବା ରାଜ୍ୟ ଏହି ଖର୍ଚ୍ଚ ବହନ ନକରେ ତାହା ହେଲେ ରାଜ୍ୟ ସରକାର ସମସ୍ତ ଟ୍ରେନ୍ ଖର୍ଚ୍ଚ ବହନ କରିବ । ପ୍ରବାସୀଙ୍କ କ୍ୱାରେଣ୍ଟାଇନ୍ ଅବଧି ସରିବା ପରେ ମିଳିବାକୁ ଥିବା ଇନସେଣ୍ଟିଭରୁ ଏହି ଅର୍ଥକୁ କଟାଯିବ । ଏବେ ଦେଶର ବିଭିନ୍ନ ରାଜ୍ୟରୁ ଓଡ଼ିଶାର ବିଭିନ୍ନ ଜିଲ୍ଲାକୁ ଶ୍ରମିକ ଟ୍ରେନ୍ ଆସୁଛି । ବର୍ତ୍ତମାନ ସୁଦ୍ଧା ରାଜ୍ୟକୁ ଏକ ଲକ୍ଷରୁ ଅଧିକ ପ୍ରବାସୀ ଫେରି ସାରିଲେଣି । ସମସ୍ତଙ୍କ ଆବଶ୍ୟକ ସ୍ୱାସ୍ଥ୍ୟ ପରୀକ୍ଷା କରିବା ପରେ କୋଭିଡ୍ ନିୟମ ଅନୁସାରେ କ୍ୱାରେଣ୍ଟାଇନ୍ରେ ରଖାଯାଉଛି ।
କେମିତି ନିଜ ଘରକୁ ଗଲେ ଯାତ୍ରୀ ? ଦେଖନ୍ତୁ ସ୍ପେଶାଲ ଟ୍ରେନ୍ ଭିତରର କିଛି ଫଟୋ
