ଲକଡାଉନରେ ମଦ ବିକ୍ରିକୁ ନେଇ କଣ କହିଲେ ସୁପ୍ରିମକୋର୍ଟ ?
ନୂଆଦିଲ୍ଲୀ: ଅନଲାଇନରେ ମଦ ବିକ୍ରି ନେଇ ସୁପ୍ରିମକୋର୍ଟଙ୍କ ପରାମର୍ଶ । କରୋନା ସଂକଟ ମଧ୍ୟରେ ସାମାଜିକ ଦୂରତା ରକ୍ଷା ପାଇଁ ଅନ୍ଲାଇନ୍ରେ ମଦ ହୋମ୍ ଡେଲିଭରି ନେଇ ବିଚାର କରିବାକୁ ସୁପ୍ରିମକୋର୍ଟ କହିଛନ୍ତି। ଏନେଇ କୌଣସି ନିର୍ଦ୍ଦେଶ ଦିଆଯାଇନି । ତେବେ, ରାଜ୍ୟମାନେ ମଦର ପରୋକ୍ଷ ବିକ୍ରି ବା ହୋମ୍ ଡେଲିଭରୀ ନେଇ ବିଚାର କରିବାକୁ ସର୍ବୋଚ୍ଚ କୋର୍ଟ ପରାମର୍ଶ ଦେଇଛନ୍ତି ।
କରୋନା ସଂକଟ ଓ ଲକ୍ଡାଉନ୍ ମଧ୍ୟରେ ଦେଶରେ ମଦ ବିକ୍ରି ଚାଲିଛି। ତେବେ, ମଦ ଦୋକାନ ଆଗରେ ଲମ୍ବା ଲାଇନ୍ ଲାଗିଛି । ଫଳରେ କରୋନା ସଂକ୍ରମଣ ଆଶଙ୍କା ରହିଥିବା ଆବେଦନରେ ଦର୍ଶାଯାଇଥିଲା । ତେବେ, ଏନେଇ ରାଜ୍ୟମାନେ ନୀତିଗତ ନିଷ୍ପତ୍ତି ନେଇପାରିବେ ବୋଲି ସୁପ୍ରିମକୋର୍ଟଙ୍କ ଖଣ୍ଡପୀଠ କହିଛନ୍ତି ।
ମଦ ପାଇଁ ଡହଳ ବିକଳ: ୧ କିଲୋମିଟର ଲମ୍ବା ଲାଇନ୍ ଓ ପୋଲିସ ଲାଠିମାଡ ,ତଥାପି ସଂଘର୍ଷ ଜାରି…
