କ୍ୟାନସର ସହ ଲଢ଼ୁଥିବା ବେଳେ ପତ୍ନୀଙ୍କୁ କଣ କହିଥିଲେ ଇରଫାନ୍ ?

ମୁମ୍ବାଇ: ଶେଷରେ ଆଖି ବୁଜିଛନ୍ତି ବଲିଉଡ୍ ଅଭିନେତା ଇରଫାନ୍ ଖାନ । ନ୍ୟୁରୋ ଇଣ୍ଡୋଫ୍ରାଇନ୍ ଟ୍ୟୁମରରେ ପୀଡ଼ିତ ଇରଫାନଙ୍କ ଜୀବନରେ ୨୦୧୮ ମସିହା ମୋଡ଼ ଆଣିଥିଲା । କ୍ୟାନସର୍ ସହ ଲଢ଼ୁଥିବା ଇରଫାନଙ୍କୁ ପ୍ରତି ମୁହୂର୍ତ୍ତରେ ସାଥ୍ ଦେଇ ଆସୁଥିଲେ ପତ୍ନୀ ସୂତାପା ସିକଦର ।

ଇରଫାନ୍, ପତ୍ନୀ ସୂତାପାଙ୍କୁ ବହୁତ ଭଲ ପାଉଥିଲେ । ଏପରିକି ନିଜ ଅଭିନୀତ ଶେଷ ଫିଲ୍ମ ଅଙ୍ଗ୍ରେଜୀ ମିଡିୟମ୍ ରିଲିଜ୍ ବେଳେ ପତ୍ନୀ ସୂତାପାଙ୍କୁ କେତେ ଭଲ ପାଆନ୍ତି ପ୍ରକାଶ କରିଥିଲେ । ସେ କହିଥିଲେ- ‘ଯଦି ମୋତେ ବଞ୍ଚିବାକୁ ସୁଯୋଗ ମିଳେ, ତେବେ ମୁଁ ସୂତାପାଙ୍କ ପାଇଁ ବଞ୍ଚିବାକୁ ଚାହିଁବି ।’

କେତେ ଭୟଙ୍କର ନ୍ୟୁରୋ ଏଣ୍ଡୋକ୍ରାଇନ୍‌ ଟ୍ୟୁମର, ଯାହା ନେଲା ଇରଫାନ୍‌ଙ୍କ ଜୀବନ..

ଏକ ସାକ୍ଷାତକାରରେ ଇରଫାନ୍ କହିଥିଲେ, ବିଦେଶରେ ମୋର ଚିକିତ୍ସା ଚାଲିଥିବା ବେଳେ ସୂତାପା ଦେଖାଶୁଣା କରୁଥିଲେ । ଯଦି ମୋତେ ଜିଇଁବା ପାଇଁ ସୁଯୋଗ ମିଳେ, ମୁଁ ସୂତାପାଙ୍କ ପାଇଁ ଜିଇଁବି । ସୂତାପା ମୋର ବଞ୍ଚିବାର କାରଣ । ବିଦେଶରେ କ୍ୟାନସର୍ ଚିକିତ୍ସା ବେଳେ ଇରଫାନଙ୍କ ସହ ପ୍ରତିଟି ମୁହୂର୍ତ୍ତରେ ସୂତାପା ଉପସ୍ଥିତ ଥିଲେ ।

ଇରଫାନଙ୍କୁ ଅଲବିଦା କହିଲେ ଅମିତାଭଙ୍କଠାରୁ କେଜ୍ରିୱାଲ

୧୯୯୫ ମସିହା ଫେବ୍ରୁଆରୀ ୨୩ରେ ସୂତାପାଙ୍କୁ ବିବାହ କରିଥିଲେ ଇରଫାନ୍ ଖାନ । ସୂତାପା, ଇରଫାନଙ୍କ ସହ ନ୍ୟାସନାଲ ସ୍କୁଲ୍ ଅଫ୍ ଡ୍ରାମାରେ ଥିଲେ । ଲେଖିକା ସୂତାପା ଏନ୍ଏସଡିରୁ ଗ୍ରାଜୁଏସନ୍ କରିଛନ୍ତି । ଇରଫାନ୍ ଓ ସୂତାପାଙ୍କ ୨ ପୁଅ ଅଛନ୍ତି । ଦୁହିଁଙ୍କ ନାମ ବାବିଲ ଓ ଅୟାନ୍ । ମୃତ୍ୟୁ ବେଳେ ସୂତାପା ଓ ୨ ପୁଅ ମେଡିକାଲରେ ଇରଫାନଙ୍କ ପାଖରେ ଥିଲେ ।