ଘରେ ବାଦୁଡ଼ି ପଶିଯିବାରୁ ଉଡ଼ିଗଲା ଅମିତାଭଙ୍କ ହୋସ, କହିଲେ ପିଛା ଛାଡୁନି କରୋନା

ମୁମ୍ବାଇ- କରୋନା ଭାଇରସକୁ ନେଇ ଆରମ୍ଭରୁ ଏହି ଖୂର ସାମ୍ନାକୁ ଆସୁଛି ଯେ, ଏହା ବାଦୁଡ଼ି ମାଧ୍ୟମରେ ମଣିଷଙ୍କ ନିକଟରେ ବ୍ୟାପିଛି। ଏହି ଖବର ପରଠାରୁ ଲୋକମାନେ ବାଦୁଡ଼ି  ବିଷୟରେ ବହୁତ ସତର୍କ ହୋଇଯାଇଛନ୍ତି । ଏଭଳି ପରିସ୍ଥିତିରେ ଯଦି ଏକ ବଦୁଡ଼ି ଆପଣଙ୍କ ଘର ଭିତରକୁ ପଶି ଆସେ ସେତେବେଳେ ଆପଣ କଣ କରିବେ । ବୋଧହୁଏ ଆପଣ ଏ ବିଷୟରେ ଚିନ୍ତା କରି ଭୟଭୀତ ହେବେ । ବଲିଉଡ ସମ୍ରାଟ ଅମିତାଭ ବଚ୍ଚନଙ୍କ ସହ ମଧ୍ୟ ଠିକ୍ ଏହିପରି କିଛି ଘଟିଛି।

ଅମିତାଭ ଟ୍ୱିଟ୍ କରି ଏହି ସୂଚନା ଦେଇଛନ୍ତି । ସେ କହିଥିଲେ ଯେ ତାଙ୍କ ବଙ୍ଗଲୋର ଏକ କଠୋରି ଭିତରକୁ ଏକ ବାଦୁଡ଼ି ପଶିଆସିଥିଲା ଯାହାକୁ ବାହର କରିବା କଷ୍ଟକର ପାଠ ହୋଇପଡ଼ିଥିଲା । ଅମିତାଭ ଟ୍ୱିଟ୍ କରି କହିଛନ୍ତି, ‘ଭାଇ ଓ ଭଉଣୀ ମାନେ, ଏହି ଘଣ୍ଟାର ଖବର … ବ୍ରେକିଙ୍ଗ୍ ନ୍ୟୁଜ୍ … ଆପଣ ବିଶ୍ୱାସ କରିବେନି ମୋ ଘରର ତୃତୀୟ ମହଲାରେ ଏକ ବାଦୁଡ଼ି ମୋ କୋଠରୀରେ ପ୍ରବେଶ କରିଛି। ବହୁତ କଷ୍ଟରେ ତାଙ୍କୁ ବାହାରକୁ ବାହାର କରାଗଲା | କରୋନା ପିଛା ଛାଡ଼ୁନି ।‘

T 3510 – Ladies and gentlemen of the Jury .. news of the hour .. BREAKING NEWS .. would you believe it ..
A Bat , a चमगादर has come into my room .. in Jalsa .. on the 3rd floor .. in my Den .. ??
badi mushkil se use bahar nikala ..
Corona peecha chodh hi nahin raha !!!

— Amitabh Bachchan (@SrBachchan) April 25, 2020

ଅମିତାଭ ବଚ୍ଚନ ସୋସିଆଲ ମିଡିଆରେ ଖୁବ ସକ୍ରିୟ ରହୁଥିବା ସମସ୍ତେ ଜାଣିଛନ୍ତି । ପ୍ରାୟତଃ ସେମାନେ ନିଜ ଜୀବନ ଏବଂ କ୍ୟାରିୟର ସହିତ ଜଡିତ କିଛି ଜିନିଷ ଟ୍ୱିଟରରେ ପୋଷ୍ଟ କରିଥା’ନ୍ତି | ତାଙ୍କର ପ୍ରଶଂସକମାନେ ତାଙ୍କର ପ୍ରତ୍ୟେକ ପୋଷ୍ଟକୁ ଭଲ ପାଆନ୍ତି | ବର୍ତ୍ତମାନ ଲୋକମାନେ ଏହି ଟ୍ୱିଟକୁ ମଧ୍ୟ ବହୁତ ଉପଭୋଗ କରୁଛନ୍ତି | କିଛି ଦିନ ପୂର୍ବରୁ ଅମିତାଭ ମଧ୍ୟ ଏକ ପୋଷ୍ଟ କରି କରୋନା ଭାଇରସକୁ ଧନ୍ୟବାଦ ଦେଇଥିଲେ।