ନନ୍ଦିଘୋଷ ବ୍ୟୁରୋ: ଅକ୍ଟୋବର ୨ରେ ରିଲିଜ ହୋଇଯାଇଛି ବଲିଉଡ଼ ସୁପରଷ୍ଟାର ଅଜୟ ଦେବଗନଙ୍କ ବହୁ ପ୍ରତୀକ୍ଷିତ ଥ୍ରୀଲର ଓ ସସପେନ୍ସ ଫିଲ୍ମ ‘ଦୃଶ୍ୟମ: ଦି କନକ୍ଲୁଜନ’ । ରିଲିଜ ପରଠୁ ଫିଲ୍ମଟି ବକ୍ସ ଅଫିସରେ ଧୂଆଁଧାର କଲେକ୍ସସନ୍ କରୁଥିବା ଦେଖିବାକୁ ମିଳୁଛି । ଫିଲ୍ମର ଉଭୟ ପାର୍ଟ ୧ ଓ ୨କୁ ଦର୍ଶକ ବେଶ ପସନ୍ଦ କରିଥିବା ବେଳେ ଏହାର ଶେଷ ପାର୍ଟକୁ ମଧ୍ୟ ଜବରଦସ୍ତ ରେସପନ୍ସ ମିଳୁଥିବା ଦେଖିବାକୁ ମିଳୁଛି ।
ରିପୋର୍ଟ ଅନୁଯାୟୀ, ଫିଲ୍ମର ଓପନିଙ୍ଗ ଡ଼େ’ କଲେକ୍ସସନ୍ ପ୍ରାୟ ୬୨ କୋଟି ହୋଇଥିବା ବେଳେ ଫିଲ୍ମଟି ଦ୍ବିତୀୟ ଦିନ ୫୩.୫୦ କୋଟି ଓ ତୃତୀୟ ଦିନ ୬୧ କୋଟି କଲେକ୍ସସନ୍ କରିଛି । ତେବେ ରିଲିଜର ୩ ଦିନ ପରେ ସାରା ଦେଶରେ ଫିଲ୍ମଟି ମୋଟ ୧୭୬.୫୦ କୋଟି ରୋଜଗାର କରିଥିବା ବେଳେ ଏହାର ମୋଟ କଲେକ୍ସସନ୍ ୨୧୧.୮୦ କୋଟିରେ ପହଞ୍ଚିଛି । ଭାରତ ଭଳି ବିଦେଶରେ ମଧ୍ୟ ଫିଲ୍ମଟି ୩ ଦିନରେ ପ୍ରାୟ ୬୧ କୋଟି ରୋଜଗାର କରିସାରିଛି । ରିଲିଜର ତିନି ଦିନ ପରେ ଫିଲ୍ମର ମୋଟ ୱାର୍ଲ୍ଡ ୱାଇଡ଼ କଲେକ୍ସସନ୍ ପ୍ରାୟ ୨୭୨.୮୦ କୋଟିରେ ପହଞ୍ଚଛି ।
ତେବେ ଦୀର୍ଘ ୧୧ ବର୍ଷ ଧରି ସସପେନ୍ସରେ ଥିବା ବିଜୟ ସାଲଗାଓଁକରଙ୍କ ରୋମାଞ୍ଚକ କାହାଣୀ ଏବେ ‘ଦୃଶ୍ୟମ ୩’ ସହ ଶେଷ ହୋଇଛି । ଅଭିଶେକ ପାଠକଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମର ବଜେଟ ପ୍ରାୟ ୧୩୦ କୋଟି ବୋଲି ଜଣାପଡ଼ିଛି । ତେବେ ଫିଲ୍ମରେ ଅଜୟ ଦେବଗନଙ୍କ ସହ ତବୁ, ଶ୍ରୀୟା ସରନ୍, ଇଶିତା ଦତ୍ତା, ମୃଣାଳ ଜାଦବ, ରଜତ କପୁର, ଜୟଦୀପ ଆହଲାଓ୍ବତ ଓ ପ୍ରକାଶ ରାଜ ନଜର ଆସିଛନ୍ତି । ତେବେ ଚଳଚ୍ଚିତ୍ରର ରୋମାଞ୍ଚକ କାହାଣୀ ଓ ଜବରଦସ୍ତ ସସପେନ୍ସ ଦର୍ଶକଙ୍କୁ ଦୀର୍ଘ ଅଢେଇ ଘଣ୍ଚା ଧରି ନିଜ ସିଟ୍ ରେ ବାନ୍ଧି ରଖିବାକୁ ବାଧ୍ୟ କରିଛି ।
