ପଶ୍ଚିମବଙ୍ଗରୁ ଆସିଥିବା ୧୨୩୮ ଶ୍ରମିକ ଚିହ୍ନଟ,କ୍ୱାରେଣ୍ଟାଇନ ହୋମକୁ ଗଲେ ସବୁ ପ୍ରବାସୀ
ବାଲେଶ୍ୱର: ପଶ୍ଚିମବଙ୍ଗରୁ ଆସିଥିବା ୧୨୩୮ ଶ୍ରମିକ ଚିହ୍ନଟ । ସମସ୍ତଙ୍କୁ କ୍ୱାରେଣ୍ଟାଇନ୍ରେ ରଖିଲା ପ୍ରଶାସନ । ସ୍ଥାନୀୟ ଲୋକଙ୍କ ସାହଯୋଗରେ ପଶ୍ଚିମବଙ୍ଗରୁ ଆସିଥିବା ଏହି ଶ୍ରମିକଙ୍କୁ ଚିହ୍ନଟ କରିପାରିଛି ପ୍ରଶାସନ । ଚିହ୍ନଟ ହୋଇଥିବା ସମସ୍ତ ୧୨୩୮ ଶ୍ରମିକଙ୍କୁ ଏବେ କ୍ୱାରେଣ୍ଟାଇନ୍ ହୋମ୍ରେ ରଖାଯାଇଛି । ସମସ୍ତଙ୍କ ଉପରେ ପ୍ରଶାସନ ଓ ମେଡିକାଲ୍ ଟିମ୍ର ତିକ୍ଷ୍ନ ନଜର ରହିଛି ।
ଏହି ଶ୍ରମିକଙ୍କୁ ସ୍ଥାନୀୟ ସରପଞ୍ଚମାନଙ୍କ ଦ୍ୱାରା ଚିହ୍ନଟ କରଯାଇଥିବା ଜଣାପଡ଼ିଛି । ବାଲେଶ୍ୱର ଜିଲ୍ଲାରେ ଥିବା ସମସ୍ତ ୩୬୦ଟି କ୍ୱାରେଣ୍ଟାଇନ୍ ହୋମ୍ରେ ବାହାରୁ ଆସିଥିବା ଏହି ଶ୍ରମିକଙ୍କୁ ରଖିବାକୁ ପ୍ରକ୍ରିୟା ଆରମ୍ଭ ହୋଇସାରିଛି । ଖୁବ୍ ଶୀଘ୍ର ସମସ୍ତଙ୍କୁ କ୍ୱରେଣ୍ଟାଇନ୍ରେ ରଖାଯିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ତେବେ ଏହା ପୂର୍ବରୁ ସେମାନଙ୍କୁ ଅନ୍ୟ ଲୋକଙ୍କ ସହ ମିଳାମିଶା ନକରିବାକୁ ପରାମର୍ଶ ଦିଆଯାଇଛି ।
ଅନ୍ୟପଟେ ଦୁଇଟି କ୍ୱାରେଣ୍ଟାଇନ୍ ହୋମ୍ରୁ ତିନି ଶହ ସ୍ୱାବ୍ ସଂଗ୍ରହ କରାଯାଇଛି । ଟେଷ୍ଟ ରିପୋର୍ଟ ଆସିବା ପରେ କ୍ୱାରେଣ୍ଟାଇନ୍ ଅବଧି ବଢିବା ନେଇ ନିଷ୍ପତ୍ତି ନିଆଯିବ ବୋଲି କୁହାଯାଇଛି । ତେବେ ପୁର୍ବରୁ ନୀଳିଆବାଗ କ୍ୱାରେଣ୍ଟାଇନ୍ ହୋମ୍ରେ ରହୁଥିବା ଆକ୍ରାନ୍ତଙ୍କ ଅବଧି ଆଜି ଶେଷ ହେଉଥିବା ସୂଚନା ମିଳିଛି ।
ସୂଚନାଯୋଗ୍ୟ, ମୁଖ୍ୟମନ୍ତ୍ରୀ ସରପଞ୍ଚମାନଙ୍କୁ ଜିଲ୍ଲାପାଳର କ୍ଷମତା ଦେଇଛନ୍ତି । ସରପଞ୍ଚମାନେ ନିଜ ଗାଁର ଦାୟିତ୍ୱ ନେବେ । ସେମାନଙ୍କ ଗାଁକୁ ବାହାରୁ ଆସୁଥିବା ଲୋକଙ୍କୁ ଚିହ୍ନଟ କରି କ୍ୱାରେଣ୍ଟାଇନ୍ରେ ରଖିପାରିବେ ।
