ସଚିନଙ୍କ ୪୭ତମ ଜନ୍ମଦିନରେ ଜାଣନ୍ତୁ ତାଙ୍କ ଜୀବନର ସେହି ୩ ମୁହୂର୍ତ୍ତ ବାବଦରେ ଯାହାକୁ ଫ୍ୟାନ କେବେ ମଧ୍ୟ ଭୁଲି ପାରିବେନାହିଁ
ମୁମ୍ବାଇ: କ୍ରିକେଟ୍ ଜଗତର ଜଣେ ମହାନାୟକ ସଚିନ ତେନ୍ଦୁଲକର । ତାଙ୍କ ନାଁ ହିଁ କାଫି ପୂରା କ୍ରେକେଟର ପରିଭାଷା ଜାଣିବାକୁ । ୧୧ଡିସେମ୍ବର ୧୯୮୮, ମୁମ୍ବାଇ ଏବଂ ଗୁଜୁରାଟ ମଧ୍ୟରେ ରଣଜୀ ଟ୍ରଫି ମ୍ୟାଚ୍ । ଯଦିଓ ଏହା ଏକ ସରଳ ମ୍ୟାଚ୍ ଥିଲା, କିନ୍ତୁ ସଚିନ ତେନ୍ଦୁଲକର ଏହାକୁ ସ୍ୱତନ୍ତ୍ର କରିଥିଲେ । ଏହି ୧୫ବର୍ଷର ବାଳକ ପ୍ରଥମ ଥର ପାଇଁ ମ୍ୟାଚ୍ ଖେଳିବାକୁ ଯାଉଥିଲେ । ତାହା ପୁଣି ମୁମ୍ବାଇ ପରି ଏକ ଟିମ୍ ତରଫରୁ ଯାହାର ନିଜର ସ୍ୱତନ୍ତ୍ର ସ୍ଥାନ ଥିଲା । ଗତ ଦୁଇ ଦଶନ୍ଧି ଧରି ମୁମ୍ବାଇ କ୍ରିକେଟର ଜଣେ ଧୁରନ୍ଧର ଖେଳାଳି ସୁନୀଲ ଗାଭାସ୍କର ମଧ୍ୟ ଏହି ମ୍ୟାଚ୍ ଦେଖିବା ପାଇଁ ଆସିଥିଲେ ।
କୁଞ୍ଚକୁଞ୍ଚିଆ ଚୁଟି ଏବଂ ମୁହଁରେ ସ୍ମିତ ହସ ନେଇ କେତେବେଳେ ସେ ଭାରତର ‘କ୍ରିକେଟ୍ ର ଭଗବାନ’ ହୋଇଗଲେ, କେହି ଜାଣି ବି ପାରିଲେନି । ଏବଂ ତାଙ୍କ ପଛରେ ତାଙ୍କ ପ୍ରେରଣାର ଉତ୍ସ ହୋଇ ଛିଡ଼ା ହୋଇଥିଲେ ତାଙ୍କ ପିତା ରମେଶ ସଚିନ । ରାମକାନ୍ତ ଆଚରେକର ତାଙ୍କର ପରାମର୍ଶଦାତା ଥିଲେ । ସମସ୍ତଙ୍କ ଚେଷ୍ଟା ଏବଂ ନିଷ୍ଠାରେ ଶେଷରେ ସଚିନ ତାଙ୍କ ଜୀବନ ସେଇ ପାହାଚ ଚଢିଥିଲେ ଯେଉଁଟା ଇତିହାସ ହୋଇ ରହିଗଲା ।
ପ୍ରଥମ ମୁହୂର୍ତ୍ତ ଓପନର ଭାବେ ମଇଦାନକୁ ଓହ୍ଲାଇଥିଲେ ସଚିନ୍
ସେ କେବେ ଭାବି ନଥିଲେ ଯେ, ତାଙ୍କର ପ୍ରଥମ ମ୍ୟାଚର ପର ବର୍ଷରେ ହିଁ ପାକିସ୍ତାନ ବିରୁଧରେ ନିଜର ପ୍ରଥମ ଟେଷ୍ଟ ମ୍ୟାଚ୍ ଖେଳିବେ ବୋଲି । ଯାହା କେବଳ ତାଙ୍କ ପାଇଁ ନୁହେଁ ପୂରା କ୍ରିକେଟ ପ୍ରେମିଙ୍କ ପାଇଁ ଥିଲା କ୍ରିକେଟ ଜଗତର ଗୋଟେ ସ୍ୱର୍ଣ୍ଣିମ ମୂହୁର୍ତ୍ତ ଏବଂ ଏହା ପରେ କ୍ରିକେଟର କହିଲେ ହିଁ ଆପେ ଆପେ ସଚିନଙ୍କୁ ବୁଝାଇଲା ।
୨ୟ ମୁହୂର୍ତ୍ତ ପାକିସ୍ତାନ ବୋଲରଙ୍କୁ ଧରାସାୟୀ କରିଥିଲେ ସଚିନ୍
ତାପରେ ବିଶ୍ୱ ତାଙ୍କର ଅନେକ ଶ୍ରେଷ୍ଠ ଇନିଂସ ଦେଖିଲା । ଏବଂ ତାଙ୍କ ଛକା, ଚଉକାର ଦିୱାନା ହେଲେ ସମସ୍ତେ । ଦିନେ ମଧ୍ୟମ କ୍ରମରେ ବ୍ୟାଟିଂ କରିଥିବା ସଚିନ କେବେ ଓପନର୍ ହେଇଗଲା ତାହା ଜଣା ବି ପଡ଼ିଲାନି । ଅନେକ ଐତିହାସିକ ଇନିଂସ ଖେଳିଥିଲେ ସେ ଯାହାକୁ ଆଜି ବି ମନେପକାଉଛନ୍ତି କ୍ରିକେଟ ପ୍ରେମୀ ।
୨୦୧୧ର ସେହି ମୁହୂର୍ତ୍ତ ଯେତେବେଳେ ଦୀର୍ଘ ୨୮ବର୍ଷର ବ୍ୟବଧାନ ପରେ ବିଶ୍ୱକପ୍ ହାତେଇ ଥିଲା ଭାରତ 
୨୦୦୩ ବିଶ୍ୱକପରେ ତାଙ୍କ କ୍ୟାରିୟରର ସବୁଠାରୁ ସ୍ୱର୍ଣ୍ଣିମ ଅଧ୍ୟାୟ ଦେଇ ଗତି କରିଥିଲେ । ତେବେ ଆଜି ଏହି କ୍ରକେଟ ଜଗତ ମହାନାୟକଙ୍କୁ ତାଙ୍କ ଜନ୍ମଦିନ ଅବସରରେ ଅନେକ ଅନେକ ଶୁଭେଚ୍ଛା ।
