ଭାରତରେ କରେନା ଭାଇରସ ପଜିଟିଭଙ୍କ ସଂଖ୍ୟା ୯୦୦କୁ ବୃଦ୍ଧି, ୨୦ ଟପିଲା ମୃତ୍ୟୁ ସଂଖ୍ୟା

. କରୋନା ପୀଡିତଙ୍କ ସଂଖ୍ୟା ୯୦୦କୁ ବୃଦ୍ଧି

. ମୃତ୍ୟୁ ସଂଖ୍ୟା ୨୦

. ଶ୍ରମିକ ସ୍ଥାନାନ୍ତରଣ ଜାରି ରହିଛି

ନୂଆଦିଲ୍ଲୀ: ଦେଶରେ କରୋନା ଜୀବାଣୁ ସଂକ୍ରମଣ ସଂଖ୍ୟା ୯୦୦ ଅତିକ୍ରମ କରିଛି। ଏହି ଭୂତାଣୁ ଯୋଗୁଁ ବର୍ତ୍ତମାନ ସୁଦ୍ଧା ୨୦ ଜଣଙ୍କର ମୃତ୍ୟୁ ହୋଇଛି । ଭାରତରେ ରୋଗୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଇବାକୁ ଲାଗିଛି | ଅନ୍ୟପକ୍ଷରେ, ଆଜି ଲକଡାଇନର ଚତୁର୍ଥ ଦିନ, କିନ୍ତୁ ଦେଶର ଅନେକ ସ୍ଥାନରେ ଶ୍ରମିକଙ୍କ ସ୍ଥାନାନ୍ତରଣ ଚିନ୍ତାର କାରଣ ପାଲଟିଛି।

ଶ୍ରମିକମାନେ ନିଜ ପରିବାର ସହିତ ଚାଲି ଚାଲି ନିଜ ଘରକୁ ଫେରିବା ଦୃଶ୍ୟ ସାମ୍ନାକୁ ଆସିଛି । ଏହି ପ୍ରସଙ୍ଗରେ ସୁପ୍ରିମକୋର୍ଟରେ ଏକ ଜନସ୍ୱାର୍ଥ ମାମଲା ଦାୟର କରାଯାଇଛି ଯେଉଁଥିରେ ଏହି ଲୋକଙ୍କୁ ଆଶ୍ରୟ ଗୃହରେ ସ୍ଥାନିତ କରି ସମସ୍ତ ସୁବିଧା ଯୋଗାଇଦେବାକୁ ସମସ୍ତ ପ୍ରଶାସନକୁ ନିର୍ଦ୍ଦେଶ ଦେବା ପାଇଁ କୋର୍ଟକୁ ନିବେଦନ କରାଯାଇଛି ।