ନନ୍ଦିଘୋଷ ବ୍ୟୁରୋ : କୋଲକାତାରେ ଟିଏମସି-ବିଜେପି ମଧ୍ୟରେ ଧସ୍ତାଧସ୍ତି। ଗିରିଶ ପାର୍କ ପୋଲିସ ଷ୍ଟେସନ ଭିତରେ ଅଭିଷେକବାନାର୍ଜୀଙ୍କ ତୃଣମୂଳ କଂଗ୍ରେସ ଦଳର କର୍ମୀ ଏବଂ ବିଜେପି କର୍ମୀ ମଧ୍ୟରେ ପ୍ରବଳ ଧସ୍ତାଧସ୍ତି ହୋଇଛି। ଅଭିଷେକଙ୍କୁ ଦେଖି ବିଜେପି କର୍ମୀ ଅଶୋଭନୀୟ ଆଚରଣ କରିଥିବାବେଳେ ବିଭିନ୍ନ କଟୁ ସ୍ଲୋଗାନ ଦେବାକୁ ନେଇ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା। ଅଭିଷେକ ବାନାର୍ଜୀ ପୋଲିସକୁ ଧମକ ଦେବା ମାମଲାରେ କୋଲକାତାସ୍ଥିତ ଗିରିଶ ପାର୍କ ପୋଲିସ ଷ୍ଟେସନରେ ହାଜର ହୋଇଥିଲେ। ପ୍ରବଳ ବର୍ଷା ସତ୍ତ୍ବେ ସେ ହାଜର ହୋଇଥିଲେ। ତେବେ ଅଭିଷେକଙ୍କୁ ଦେଖି ବିଜେପି କର୍ମୀ ନାରାବାଜି କରିଥିଲେ। ଏହାକୁ ନେଇ ଦୁଇ ଦଳ ମଧ୍ୟରେ ଧସ୍ତାଧସ୍ତି ହୋଇଥିଲା। ଏହାକୁ ନେଇ ସେଠାରେ ତୀବ୍ର ଉତ୍ତେଜନା ସୃଷ୍ଟି ହୋଇଥିଲା। ଗତ ଅକ୍ଟୋବର ୨୯ ତାରିଖରେ ଅଭିଷେକ ବାନାର୍ଜୀ ଗଣମାଧ୍ୟମରେ ଅଭିଯୋଗ କରିଥିଲେ ଯେ ତାଙ୍କ ବିରୋଧରେ ରାଜ୍ଯ ସରକାରଙ୍କ ପ୍ରରୋଚନାରେ ପୋଲିସ ମିଥ୍ୟା ମାମଲା ରୁଜୁ କରିଛି। ଅକ୍ଟୋବର ୩୧ ତାରିଖରେ ଜଣେ ମହିଳା ତାଙ୍କ ବିରୁଦ୍ଧରେ ଗିରିଶ ପାର୍କ ଥାନାରେ ଏକ ଏଫଆଇଆର ଦାଖଲ କରିଥିଲେ। ଏହି ମାମଲାରେ ତାଙ୍କୁ ଥାନାରେ ହାଜର ହେବାକୁ ନିର୍ଦ୍ଦେଶ ଦିଆଯାଇଥିଲା।

