କଟକ: କଟକର ବାଲିଯାତ୍ରାକୁ ଆଉ ୪ ଦିନ ବାକି । ଏଯାଏଁ ପଡିନି ଦୋକାନ । ବାତ୍ୟା ପ୍ରଭାବରେ ବର୍ଷା ଯୋଗୁ ତଳ ଓ ଉପ ପଡିଆରେ ଜମି ରହିଛି ପାଣି । ଜାଗା କିଣିଥିବା ବ୍ୟବସାୟୀ ଏବେ ଚିନ୍ତାରେ । କଟକରେ ତୁହାକୁ ତୁହା ବର୍ଷା ଯୋଗୁ ଏହି ସମସ୍ୟା ସୃ୍ଷ୍ଟି ହୋଇଛି । ଆଜିକୁ ଦୋକାନ ନିର୍ମାଣ ଶେଷ ହେବା କଥା । କିନ୍ତୁ ଏବେ ବର୍ଷା ଯୋଗୁ ସମସ୍ତ ବ୍ୟବସାୟୀ ମାନେ ହାତ ବାନ୍ଧି ବସିଛନ୍ତି । ଓଡ଼ିଶା ବାହାରୁ ଯେଉଁ ବ୍ୟବସାୟୀ ମାନେ ଆସିଛନ୍ତି ସେମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ବର୍ଷାରେ ଛୋଟ ଛୋଟ ପିଲାମାନଙ୍କୁ ନେଇ ଯିଏ ଯେଉଁଠି ପାରିଲା ମୁଣ୍ଡ ଗୁଞ୍ଜି ବସିଛନ୍ତି।
ଚଳିତବର୍ଷ କଟକ ବାଲିଯାତ୍ରାକୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସୁଛନ୍ତି। ତେବେ ଏହାରି ଭିତରେ ଉଭୟ ତଳ ବାଲିଯାତ୍ରା ପଡ଼ିଆ ଏବଂ ଉପର ବାଲିଯାତ୍ରା ପଡ଼ିଆରୁ ପାଣି ନିଷ୍କାସନ କରିବା କଟକ ଜିଲ୍ଲା ପ୍ରଶାସନ ପାଇଁ ବଡ ଚ୍ୟାଲେଞ୍ଜ ପାଲଟିବ । ବାତ୍ୟା ଆକଓ୍ବାନ ଯୋଗୁଁ କାଲି ପର୍ଯ୍ୟନ୍ତ ବର୍ଷା ଲାଗି ରହିବ । କଟକ ସହରରେ ଯଦି ବର୍ଷାର ପରିମାଣ ଆହୁରି ଅଧିକ ବୃଦ୍ଧି ପାଏ ତେବେ ପାଣି ନିଷ୍କାସନ କରିବା ବଡ ଚ୍ୟାଲେଞ୍ଜ ପାଲଟିବ। ବର୍ଷା ଛାଡ଼ିଲା ମାତ୍ରେ ସବୁ କାର୍ଯ୍ୟ ଆରମ୍ଭ ହେବ ବୋଲି କହିଛନ୍ତି ଜିଲ୍ଲାପାଳ
ବର୍ଷା ଛାଡିବା ପରେ କଟକ ଜିଲ୍ଲା ପ୍ରଶାସନ ଓ କଟକ ମହାନଗର ନିଗମ କେତେ ଜଲଦି ବାଲିଯାତ୍ରା ପଡ଼ିଆକୁ ଠିକ୍ କରୁଛନ୍ତି ତାହା ଦେଖିବାକୁ ବାକି ରହିଲା ।…..

