ନନ୍ଦିଘୋଷ ବ୍ୟୁରୋ:ବିଧାନସଭା ଶୀତ ଅଧିବେଶନର ଆଜି ହେଉଛି ଦ୍ବିତୀୟ ଦିନ। ଦ୍ବିତୀୟ ଦିନରେ ବେଶ୍ ସରଗରମ ରହିବ ଗୃହ। ବିରୋଧୀ ବିଜେଡ଼ି ଓ କଂଗ୍ରେସ ଭିନ୍ନ ଭିନ୍ନ ପ୍ରସଙ୍ଗରେ ଗୃହରେ ସ୍ୱତନ୍ତ୍ର ଆଲୋଚନା ଜିଦ୍ ରେ ଅଟଳ ରହିଛନ୍ତି। ବାତ୍ୟା ବନ୍ୟା ବିଫଳତାକୁ ବିଜେଡି ମୁଖ୍ୟ ପ୍ରସଙ୍ଗ କରିଥିବା ବେଳେ କୋଟିଆ ପ୍ରସଙ୍ଗରେ ସରକାରଙ୍କୁ ଘେରିଛି କଂଗ୍ରେସ। ଆଜି ପ୍ରଶ୍ନ କାଳରେ ଜଳସମ୍ପଦ, ରାଜସ୍ୱ ଓ ବିପର୍ଯ୍ୟୟ ପରିଚାଳନା, ଖଣି ଓ ଇସ୍ପାତ, ଯୋଜନା ଓ ସଂଯୋଜନା, ବାଣିଜ୍ଯ, ସୂଚନା ଲୋକସଂପର୍କ ବିଭାଗ ର ପ୍ରଶ୍ନୋତ୍ତର ରହିଛି। ଏହାଛଡ଼ା ବିଭିନ୍ନ କମିଟି ରିପୋର୍ଟ ଉପସ୍ଥାପନ ହେବ। ବିରୋଧୀ ଜାଣିଶୁଣି ଗୃହରେ ଅଚଳାବସ୍ଥା ଜାରିରଖିଛନ୍ତି ବୋଲି ସରକାରୀ ଦଳ କହିଛି।

